Aqparat jáne qoǵamdyq damý ministrligi barlyq qarjy men memlekettik satyp alýdy ortalyqtandyrdy. Bul týraly sybailas jemqorlyqqa qarsy is-qimyl máselesi talqylanǵan jiynda atalmysh ministrliktiń jaýapty hatshysy Janat Qojahmetov málim etti, dep habarlaidy QazAqparat.
«Aqparat jáne qoǵamdyq damý ministrligi sybailas jemqorlyqqa qarsy sharalardy qabyldaý qajettigin túsinip, bul baǵytta belsendi jumys júrgizip jatyr. Atap aitqanda, 2019 jyldyń aqpan aiynda ministrlik kelesi jumystary júrgizdi. Birinshisi - sybailas jemqorlyq táýekelderin tómendetý maqsatynda ministrliktegi kadrlyq, zańdyq, qarjy qyzmetterin, satyp alý qyzmetterin ortalyqtandyrý týraly sheshim qabyldandy. Iaǵni, komitetter búgingi kúni bul fýnktsiialarmen ainalyspaidy. Ózderiniń salalyq mindetterin iske asyrady. Al qalǵandarynyń bári ortalyqtandyrylǵan. Bizdiń oiymyzsha, bul, birinshi kezekte, bizdiń salalyq bólimshelerimizge ózderiniń strategiialyq saiasi mindetterine tereńirek nazar aýdarýǵa múmkindik beredi. Ekinshi kezekte, árine, bul óz qyzmetkerlerine qysym kórsetý elementterin joiýǵa jol ashady», - dedi Janat Qojahmetov.
Onyń aitýynsha, ministrlikte sybailas jemqorlyqqa qarsy is-qimyl boiynsha vedomstvolyq jospar ázirlenip, bekitilip qoiǵan. Sondai-aq, ministrliktiń Sybailas jemqorlyqqa qarsy standarttary bekitilgen. Jumysqa qabyldaý kezinde árbir jańa qyzmetker osy standarttarmen tanysyp, qol qoiady. Sybailas jemqorlyqqa qarsy is-qimyl boiynsha júieli negizde seminarlar ótkiziledi. Vedomstvolyq baǵynyshty uiymdarda sybailas jemqorlyqqa qarsy is-qimyl kartasy qabyldanyp, quqyq buzýshylyqtardyń joqtyǵyn rastaityn qujattardy usynǵannan keiin ǵana vedomstvolyq baǵynyshty uiymdardyń basshylaryn taǵaiyndaý týraly sheshim qabyldanady. Baǵynyshty qyzmetkeri jemqorlyqpen ustalsa, basshysyn jumysqa shyǵarýǵa deiingi jaza bar.
Sonymen qatar, Janat Qojahmetov habarlaǵandai, ministrlik sybailas jemqorlyqqa qarsy is-qimyl agenttigimen birlesip, 2019-2020 jyldarǵa arnalǵan «Adaldyq alańy» jobasy júzege asyrylyp jatyr.
