اقپارات جەنە قوعامدىق دامۋ مينيسترلٸگٸ بارلىق قارجى مەن مەملەكەتتٸك ساتىپ الۋدى ورتالىقتاندىردى. بۇل تۋرالى سىبايلاس جەمقورلىققا قارسى ٸس-قيمىل مەسەلەسٸ تالقىلانعان جيىندا اتالمىش مينيسترلٸكتٸڭ جاۋاپتى حاتشىسى جانات قوجاحمەتوۆ مەلٸم ەتتٸ, دەپ حابارلايدى قازاقپارات.
«اقپارات جەنە قوعامدىق دامۋ مينيسترلٸگٸ سىبايلاس جەمقورلىققا قارسى شارالاردى قابىلداۋ قاجەتتٸگٸن تٷسٸنٸپ, بۇل باعىتتا بەلسەندٸ جۇمىس جٷرگٸزٸپ جاتىر. اتاپ ايتقاندا, 2019 جىلدىڭ اقپان ايىندا مينيسترلٸك كەلەسٸ جۇمىستارى جٷرگٸزدٸ. بٸرٸنشٸسٸ - سىبايلاس جەمقورلىق تەۋەكەلدەرٸن تٶمەندەتۋ ماقساتىندا مينيسترلٸكتەگٸ كادرلىق, زاڭدىق, قارجى قىزمەتتەرٸن, ساتىپ الۋ قىزمەتتەرٸن ورتالىقتاندىرۋ تۋرالى شەشٸم قابىلداندى. ياعني, كوميتەتتەر بٷگٸنگٸ كٷنٸ بۇل فۋنكتسييالارمەن اينالىسپايدى. ٶزدەرٸنٸڭ سالالىق مٸندەتتەرٸن ٸسكە اسىرادى. ال قالعاندارىنىڭ بەرٸ ورتالىقتاندىرىلعان. بٸزدٸڭ ويىمىزشا, بۇل, بٸرٸنشٸ كەزەكتە, بٸزدٸڭ سالالىق بٶلٸمشەلەرٸمٸزگە ٶزدەرٸنٸڭ ستراتەگييالىق ساياسي مٸندەتتەرٸنە تەرەڭٸرەك نازار اۋدارۋعا مٷمكٸندٸك بەرەدٸ. ەكٸنشٸ كەزەكتە, ەرينە, بۇل ٶز قىزمەتكەرلەرٸنە قىسىم كٶرسەتۋ ەلەمەنتتەرٸن جويۋعا جول اشادى», - دەدٸ جانات قوجاحمەتوۆ.
ونىڭ ايتۋىنشا, مينيسترلٸكتە سىبايلاس جەمقورلىققا قارسى ٸس-قيمىل بويىنشا ۆەدومستۆولىق جوسپار ەزٸرلەنٸپ, بەكٸتٸلٸپ قويعان. سونداي-اق, مينيسترلٸكتٸڭ سىبايلاس جەمقورلىققا قارسى ستاندارتتارى بەكٸتٸلگەن. جۇمىسقا قابىلداۋ كەزٸندە ەربٸر جاڭا قىزمەتكەر وسى ستاندارتتارمەن تانىسىپ, قول قويادى. سىبايلاس جەمقورلىققا قارسى ٸس-قيمىل بويىنشا جٷيەلٸ نەگٸزدە سەمينارلار ٶتكٸزٸلەدٸ. ۆەدومستۆولىق باعىنىشتى ۇيىمداردا سىبايلاس جەمقورلىققا قارسى ٸس-قيمىل كارتاسى قابىلدانىپ, قۇقىق بۇزۋشىلىقتاردىڭ جوقتىعىن راستايتىن قۇجاتتاردى ۇسىنعاننان كەيٸن عانا ۆەدومستۆولىق باعىنىشتى ۇيىمداردىڭ باسشىلارىن تاعايىنداۋ تۋرالى شەشٸم قابىلدانادى. باعىنىشتى قىزمەتكەرٸ جەمقورلىقپەن ۇستالسا, باسشىسىن جۇمىسقا شىعارۋعا دەيٸنگٸ جازا بار.
سونىمەن قاتار, جانات قوجاحمەتوۆ حابارلاعانداي, مينيسترلٸك سىبايلاس جەمقورلىققا قارسى ٸس-قيمىل اگەنتتٸگٸمەن بٸرلەسٸپ, 2019-2020 جىلدارعا ارنالعان «ادالدىق الاڭى» جوباسى جٷزەگە اسىرىلىپ جاتىر.
