Aqparat jáne qoǵamdyq damý ministri Asqar Ýmarov Bas múfti Naýryzbai qajy Taǵanulymen kezdesti. Kezdesý barysynda Qazaqstan musylmandary dini basqarmasynyń qyzmetine qatysty ózekti máseleler talqylandy, dep habarlaidy QazAqparat.
Áńgime barysynda taraptar qoǵamdaǵy destrýktivti dini aǵymdardyń ideologiiasyna qarsy is-qimyl boiynsha syndarly pikir almasty. Sondai-aq, aqparat taratýdyń túrli arnalaryn, atap aitqanda BAQ, áleýmettik jeli, messendjerler, kitaptar jáne t.b. quraldardy paidalana otyryp, Múftiiattyń aǵartý jumysynyń sapasyn jahandyq trendterge sáikes jańa deńgeige kóterý týraly da sóz boldy.
Ministr qańtardaǵy qaiǵyly oqiǵalar kezinde musylman qaýymǵa úndeý jasap, jurtty birlikke, beibitshilikti saqtaýǵa shaqyrǵan azamattyq ustanymy úshin Bas múftige zor alǵys bildirdi.
«Qazaqstan musylmandary dini basqarmasy elimizdegi konfessiiaaralyq kelisimdi nyǵaitýǵa yqpal ete otyryp, udaiy halqymyzdy rýhani qundylyqtar tóńiregine toptasýǵa úndep keledi», - dep atap ótti A.Ýmarov.
