«Aqparat jáne qoǵamdyq damý ministrliginiń kúnderi» bastaldy, dep habarlaidy "Ult aqparat".
Búgin Qazaqstannyń aimaqtarynda ótetin «Ministrlik kúnderi» bastaldy. Is-sharalar strategiialyq sessiia formatyndaǵy onlain túrde ótkizilýde. Aqmola oblysynda «Ministrlik kúnin» Aqparat jáne qoǵamdyq damý vitse-ministri Marat Ázilhanov ashyp, Aqmola oblysy ákiminiń orynbasary Aina Mysyrálimovamen beinekonferentsiia formatynda kezdesý ótkizdi.
Kezdesýge qatysýshylar kúnniń baǵdarlamasyn talqylady, oǵan sáikes azamattyq qoǵam, din, etnosaralyq kelisim, jastar, otbasy jáne BAQ salalarynda 14 kezdesý men seminarlar ótkizýdi josparlanǵan.
«Atalǵan is-sharanyń negizgi mindeti Ministrlik jetekshilik etetin ózekti máseleler men mindetterdi talqylaý jáne túsindirý, memlekettik organdar men óńir jurtshylyǵy ókilderiniń syndarly dialogyn qurý, sondai-aq sizdiń qoiylǵan suraqtarǵa jaýap berý bolyp tabylady», — dedi óz sózinde vitse-ministr Marat Ázilhanov. Ol sharalarǵa qatysýshylardy syndarly dialog qurý maqsatynda sessiia qorytyndylary boiynsha Ministrlik jetekshilik etetin baǵyttar boiynsha júrgiziletin sharalardy jetildirý jóninde óz usynystaryn berý múmkindigin qoldanýdy surady.
Sonymen birge, Aina Mysyrálimova mundai kezdesýler búgingi jaǵdaida ádetke ainalǵan onlain formatqa qaramastan, pikir almasýǵa jáne problemalyq máselelerdi sheshýge biregei múmkindik beretinin atap ótti.
«Birqatar jańa zańdardyń qabyldanýy men qoldanystaǵy zańnamaǵa engizilgen túzetýlerdi eskere otyryp, biz praktikada din, jastar jáne otbasylyq saiasatta, onyń ishinde turmystyq zorlyq-zombylyq suraqtary, etnosaralyq qatynastar, memlekettik media saiasat jáne basqalardy talqylaý ýaqytyly dep sanaimyn «, - dedi A. Mysyrálimova.
Is-sharalarǵa memlekettik qyzmetshiler, aimaqtyq birlestikterdiń, úkimettik emes uiymdardyń, Aqmola oblysynyń buqaralyq aqparat quraldarynyń jáne ministrlikke baǵynysty uiymdarynyń ókilderi retinde 500-ge jýyq adam qatysady.
Strategiialyq sessiialar memleket pen qoǵamnyń ózara is-qimylynyń damýyna, Memleket basshysynyń Joldaýynda jariialanǵan sheshimderge qoǵamdyq monitoring pen oryndalýyna baqylaý júrgizýge baǵyttalǵan. Epidemiologiialyq jaǵdaiǵa bailanysty jáne koronavirýstyń taralýyna jol bermeý úshin barlyq is-sharalar onlain rejiminde ótkiziledi.
