26 tamyzda QR Aqparat jáne qoǵamdyq damý ministrliginiń Qoldanbaly etnosaiasi zertteýler institýty QHA qoldaýymen Abaidyń 175 jyldyǵyna arnalǵan «Álemdi aialaǵan sóz. Qazaqstan etnostarynyń ókilderi Abai týraly» atty kitaptyń onlain-rejimde tusaýkeserin ótkizdi.
Oǵan Etnosaralyq qatynastardy damytý komiteti basshylyǵy, Qazaqstan halqy Assambleiasy ókilderi, QHA ǵylymi-sarapshylyq keńesi músheleri, QHA aimaqtyq ókilderi, Abai týraly esse avtorlary men retsenzentter qatysty.
Komitet tóraǵasy Bolat Majaǵulov óz sózinde resmi Abai kúniniń paida bolýy – qazaq halqynyń rýhani jańǵyrýynyń simvolyna ainalǵan uly babamyzǵa degen qurmet ekenin jáne kitapta bizdiń ortaq bolashaǵymyz, ortaq muramyzdy saqtaý perspektivalary men qajettiligi týraly jazylǵanyn atap ótti.
Institýt direktorynyń orynbasary Aigúl Sádýaqasova is-shara qatysýshylaryn Abai murasy týraly túrli etnos ókilderiniń oi-pikirleriniń úsh ǵasyrlyq jinaǵyn qurý ideiasymen, XIX-XX ǵasyrlarda bastalǵan jáne jańa býyndar rýhani baǵdar retinde kóretin uly oishyl-gýmanist týraly retrospektivany biriktirý nietimen tanystyrdy.
Is-shara barysynda Abaidyń tulǵasy, onyń qosqan úlesi men murasy týraly Sh.A. Pýlatov, S.S. Qorabai, esse avtorlary D.H. Nuralieva, K.I. Mirzoev jáne B.V. Shevchenko sóz sóiledi.
Is-sharanyń moderatory Institýt direktory T.B. Qaliev bizdi adamzat retinde biriktiretin beibitshilik, gýmanizm, bilim men eńbektiń máńgilik qundylyqtary jaiynda toqtalyp ótti.
Is-sharaǵa Nur-Sultan qalasynyń Qazaqstan halqy Assambleiasy uiymdastyrýshylyq-tehnikalyq qoldaý kórsetti.
Kitap tórt úlken bólikten turady. Ol Qazaqstan halqy Assambleiasy tóraǵasynyń orynbasary Janseiit Túimebaev pen QR Aqparat jáne qoǵamdyq damý ministri Aida Balaevanyń kirispe sózderinen bastalady.
Esterińizge sala keteiik, 2019 jyldyń 30 mamyrynda Memleket basshysy Qasym-Jomart Toqaev "Abai Qunanbaiulynyń 175 jyldyq mereitoiyn atap ótý týraly" Jarlyqqa qol qoidy.
21 qańtarda Nur-Sultanda Abaidyń 175 jyldyǵyna orai QR Prezidenti Qasym-Jomart Toqaev pen Elbasy Nursultan Nazarbaevtyń qatysýymen mereke ótti.
Qazaqstan Respýblikasy Úkimetiniń Qaýlysymen 10 tamyz Abai kúni bolyp jariialandy jáne mereke kúnderiniń kúntizbesine engizildi.
