Aqparat jáne qoǵamdyq damý ministri Aida Balaeva Almaty qalalyq Qoǵamdyq keńes múshelerimen kezdesti, dep habarlaidy "Ult aqparat".
Kezdesý barysynda Memleket basshysy Q.Toqaevtyń 2020 jylǵy 1 qyrkúiektegi Joldaýyn iske asyrý sheńberinde qoǵamdyq baqylaýdy zańnamalyq bekitý máseleleri boiynsha tásilder men usynystar, sondai-aq kvazimemlekettik sektorda Qoǵamdyq keńester qurýǵa qatysty qoǵamdyq keńester institýtyn jetildirý máseleleri talqylandy.
Aida Balaeva óz sózinde qoǵamdyq baqylaý institýtyn jetildirý der kezinde qolǵa alynǵanyn jáne onyń mańyzdylyǵy men ózektiligin atap ótti.
Bolashaq zań jobasynyń maqsaty – qoǵamdyq baqylaý júiesiniń quqyqtyq negizin, sondai-aq azamattyq qoǵamdy odan ári damytý úshin quqyqtyq jaǵdailar jasaýdy aiqyndaý.
Zań jobasynyń mindetine biryńǵai uǵymdyq apparatty qalyptastyrý, qoǵamdyq baqylaýdy júzege asyrý qaǵidattarynyń biryńǵai júiesin belgileý, sybailas jemqorlyqqa qarsy kúreste qoǵamdyq kúsh-jigerdi biriktirýdiń quqyqtyq tetikterin jasaý, sondai-aq qoǵamdyq baqylaý sýbektileri men obektileriniń fýnktsiiasyn, ókilettigi men jaýapkershiligin aiqyndaý kiredi.
«Memleket basshysynyń Joldaýyna sáikes kvazimemlekettik sektorda Qoǵamdyq keńester qurýdy kózdeitin, sondai-aq memlekettik organdardyń, kvazimemlekettik sektor sýbektileriniń memlekettik satyp alý jónindegi konkýrstyq komissiialarǵa qatysý arqyly Qoǵamdyq keńesterdiń ókilettigin keńeitetin zańǵa túzetýler ázirlenip jatyr. Búgingi tańda bul túzetýler kelisý rásiminen ótýde», - dep atap ótti Aida Balaeva.
Is-shara barysynda Almaty qalasy Qoǵamdyq keńesiniń hatshysy, «Aqparattyq-resýrstyq ortalyq» qoǵamdyq qorynyń direktory Altynai Kóbeeva, sondai-aq Almaty qalasy Qoǵamdyq keńesiniń músheleri, «KAZBREND» qoǵamdyq qorynyń basqarma tóraǵasy Nurlan Jazylbekov, «QazRENA» Qazaqstannyń Ǵylymi-bilim berý kompiýterlik jelisin paidalanýshylar qaýymdastyǵynyń bas direktory Boris Japarov jáne «Qazaqstannyń daǵdarys ortalyqtary odaǵy» ZTB Basqarma tóraǵasy Zúlfiia Baisaqova sóz sóiledi.
Qoǵamdyq keńes múshesi Boris Japarov shet memleketterde qoldanylatyn zańdy mysalǵa keltirdi.
«Búgin biz ministrmen birge QR Qoǵamdyq baqylaý jónindegi zańnyń tujyrymdamasyn talqyladyq. Qoǵamdyq keńes músheleri óz oilaryn ortaǵa saldy. Men de damyǵan memleketterdiń tájirbiesine súiene otyryp óz usynysymdy aittym. Qalalyq deńgeide referendým ótkizý quqǵyn berse, soǵan sáikes, qala turǵyndarynyń maqsat-múdesin eskere otyryp, laýazymdy qyzmetterde júrgen azamattardy nemese máslihat depýtattaryn óz mindetin oryndamaǵan jaǵdai da zańǵa qaishy áreketter jasaǵan kezde qyzmetine qaita shaqyrsa degen pikir bildirdim. Mysaly mundai tásildi AQSh, Japoniia, Avstraliia elderi qoldanady», - dedi Boris Japarov.
Is-shara sońynda ministr kezdesýdiń barlyq qatysýshylaryna belsendi qatysqany jáne qoǵamdyq iske jaýapty kózqarasy úshin alǵys bildirdi.
