Sinoptikter aqpan aiyna arnalǵan aýa raiy boljamyn jariialady, dep habarlaidy "Ult aqparat" «Qazgidromet» RMK-ǵa silteme jasap.
Boljamǵa sáikes aqpan aiy qarly bolady. Atlant muhity men Kaspiidiń ońtústiginen tsiklondardyń jii jyljýyna bailanysty, Qazaqstannyń soltústiginde jeldiń jyldamdyǵy 15-20 m/s-qa deiin jetedi, qar jaýyp, boran soǵady, ońtústik óńirlerde jaýyn-shashyn, tuman jáne kóktaiǵaq bolady.
Sýyq aýa massasynyń enýine bailanysty, ekinshi onkúndiktiń basynda jáne aidyń sońynda eki ret kún sýytady.
Ortalyq jáne soltústik oblystardaǵy aýa temperatýrasy túnde minýs 25-35, kúndiz minýs 15-25 gradýs; al eldiń ońtústik jartysynda túnde minýs 10-20, kúndiz minýs 5-10 gradýsqa deiin tómendeidi.
Aqpan aiyndaǵy ortasha aýa temperatýrasy Batys Qazaqstan, Atyraý, Mańǵystaý, Aqtóbe, Qostanai, Qyzylorda, Ońtústik Qazaqstan, Jambyl jáne Almaty oblystarynda klimattyq normadan 1°S joǵary, qalǵan óńirlerde normaǵa jýyq bolady.
Jaýyn-shashynnyń ailyq mólsheri Qostanai, Soltústik Qazaqstan, Aqmola, Qaraǵandy, Pavlodar jáne Shyǵys Qazaqstan, Batys Qazaqstan, Aqtóbe oblystarynda, Ońtústik Qazaqstan, Jambyl jáne Almaty oblystarynyń taýly jáne taý bókterindegi aýdandarynda normaǵa jýyq jáne odan kóp, qalǵan aýmaqtarda normadan az bolady.
Aita keteiik, qazaqstandyq etnograf ǵalym, qazaqy aýa raiyn boljamyna sáikes aqpanda at qulaǵy kórinbeitin borandar bastalatyndyǵy týraly QazAqparat tilshisine aityp bergen bolatyn.
