Aqpan aiynda Aqtóbe oblysynda meditsina qyzmetkerleri koronavirýs infektsiiasyna qarsy vaktsinany qabyldaidy, dep habarlaidy "Ult aqparat".
Aqtóbe oblystyq densaýlyq saqtaý basqarmasy ekpe týraly aqparat taratty. Óńirlik kommýnikatsiialyq qyzmetinde ótken brifingide oblystyq densaýlyq saqtaý basqarmasy basshysynyń orynbasary Bekbolat Izbasarov aldymen medtsina qyzmetkerleri ekpe qabyldaitynyn aitty.
«Aqpan aiynda myń adamǵa vaktsina salynady. Olar infektsiialyq statsionarlar men jedel járdem, qabyldaý bólmesindegi meditsina qyzmetkerleri. Emhanadaǵy aq halattylar, epidemiologtar egiledi. Ekinshi kezeńde bilim berý mekemeleriniń qyzmetkerleri vaktsina qabyldaidy. Barlyǵy 25 emdeý mekemesinde vaktsinatsiialaý júrgiziledi. Ár aýdanda ekpe qabyldaýǵa múmkindik jasalmaq. Barlyǵy 150 myń adamdy qamtý josparda bar», - dedi Aqtóbe oblystyq densaýlyq saqtaý basqarmasy basshysynyń orynbasary Bekbolat Izbasarov.
