Porsche kóligin tizgindegen politseidiń Aqorda qaqpasyna kóligimen soǵylǵan kúni ishimdik ishkeni belgili boldy, dep habarlaidy "Ult aqparat" Astananyń Ákimshilik ister jónindegi mamandandyrylǵan aýdanaralyq sotyna silteme jasap.
«Ákimshilik istiń qaralýy barysynda E. S. Imanbekovtyń kólikti mas kúiinde tizgindegeni anyqtaldy. E.S. Imanbekov JJQ 2.4.2, 10.1 tarmaqshalaryn buzdy jáne QR Ákimshilik quqyqbuzýshylyq týraly kodeksiniń 608-baby 3-bóliginde qarastyrylǵan ákimshilik quqyqbuzýshylyq jasady, iaǵni júrgizýshi mas kúiinde kólik júrgizip, ózge transporttarǵa nemese ózge bireýdiń múlki men ǵimaratyna zaqym keltirgeni úshin aiyptalyp otyr», - delingen sot qaýlysynda.
Sot otyrysy kezinde júrgizýshi kinásin moiyndap, isine ókinish bildirdi.
Esterińizge sala ketsek, atalǵan oqys oqiǵa qańtardyń 16-synan 17-sine qaraǵan túni bolǵan. Politsiianyń málimdemesine sáikes, Aqordanyń qaqpasy men baqylaý-ótkizý pýnktine kóligimen soǵylǵan Astana IID ÁPB PPD arnaiy batalon qyzmetiniń inspektory, politsiianyń aǵa leitenanty Imanbekov jumystan shyǵarylǵan.
