Áleýmettik jelilerde kishkentai balanyń Qazaqstan prezidenti Nursultan Nazarbaevtan ákesin qaitarýǵa kómektesýin surap jylaǵan videosy tarady, dep habarlaidy Sputnik Qazaqstan.
Aqordanyń aldynda otyrǵan balaqai ózin túsirip turǵan kameraǵa qarap, memleket basshysynan ákesin qaitarýdy ótinedi. Óziniń anasymen birge Semeiden kelgenin aitady.
"Qurmetti Nazarbaev ata, ákemdi qaitaryńyzshy. Biz Almaty men Semeiden Astanaǵa sizge keldik. Qujatymdy uzartýǵa keldim. Meniń atym – Aqjol, anamnyń aty – Shynar, ákemniń aty – Jarqynbek. Men sabaqqa baramyn, anam jumys isteidi. Sosyn anam keshke kelip, meni alyp ketedi. Ákemdi qaitaryp berińizshi, ótinip suraimyn. Alladan túni boiy tileimin", — degen ol kenetten eki alaqanymen betin basyp, qatty jylap jiberedi.
Videoǵa ony anasy túsirip turǵan syńaily.
"Anam jumys isteidi, biz páterde turamyz…. Mama, jylama", — dep anasyn jubatady.
