Búgin Aqordada Ulttyq keńes músheleriniń usynystaryn talqylaý boiynsha kezekti jinalys ótti. Jinalysty Prezident ákimshiligi basshysynyń orynbasary Timýr Sýleimenov ótkizdi. Bul týraly QR Prezidentiniń keńesshisi – Ulttyq keńestiń hatshysy Erlan Qarin Facebook-tegi paraqshasynda jazdy.
«Búgingi otyrystyń kún tártibinde kelesi máseleler boldy – halyqtyń áleýmettik álsiz toptaryna jatatyn balalarǵa mindettelgen áleýmettik kómekti qamtamasyz etý, jeke tulǵalardyń bankrottyǵy, zeinetkerlik reformanyń kontseptsiiasy, qazaqstandyq jáne sheteldik jumysshylardyń jalaqylarynyń kólemin teńestirý, sheteldik eńbek kúshiniń kvotasy jáne t.b. Talqylaýǵa ulttyq ekonomika, eńbek jáne áleýmettik qorǵaý, densaýlyq saqtaý, qarjy ministrlikteriniń ókilderi qatysty. Kelesi jinalys osy aptanyń aiaǵynda Almatyda ótedi, onyń taqyryby qarjy-biýdjettik júieni damytý máselelerine arnalady», - dep atap ótken Erlan Qarin.
Kelesi aptada, qazannyń 16-synda QR Premer-ministriniń orynbasary Berdibek Saparbaevtyń tóraǵalyǵymen Ulttyq keńestiń áleýmettik-mádeni reformalar toby daiyndaǵan usynystardyń talqylaýy ótedi.
