Foto: QR OAM
1 maýsym – Halyqaralyq balalardy qorǵaý kúnine orai elimizdiń barlyq óńirinen kelgen oqýshylar Aqordada qonaq boldy, dep habarlaidy Ult.kz.
Qazaqstan Respýblikasy Prezidentiniń rezidentsiiasyna oqý úzdikteri, pán olimpiadalarynyń, respýblikalyq jáne halyqaralyq baiqaýlardyń jeńimpazdary, sport saiystarynyń júldegerleri, batyl áreketimen kózge túsken balalar keldi. Aqordanyń kishkentai qonaqtarynyń qatarynda kópbalaly otbasylardan shyqqan, ata-anasynyń qamqorlyǵynsyz qalǵan jáne erekshe qajettiligi bar jetkinshekter de boldy.
Ekskýrsiia kezinde oqýshylar Aqordanyń ortalyq saltanatty holy men resmi qabyldaýlar ótkizýge arnalǵan zaldardy, Memleket basshysynyń kitaphanasyn, sondai-aq rezidentsiia aýmaǵyndaǵy baqty aralady.
Foto: QR OAM
Ekskýrsovodtar ǵimarat qurylysynyń tarihy, onyń erekshelikteri men munda ótetin is-sharalarǵa bailanysty qyzyqty faktiler jaiynda málimet berdi.
Sonymen qatar oqýshylarǵa Prezident atynan estelik syilyqtar tabystaldy.
Óńirlerden kelgen balalar elordanyń kórikti oryndaryn da aralaidy.
Foto: QR OAM
Biyl Halyqaralyq balalardy qorǵaý kúnine arnalǵan is-sharalar algoritmi «Qazaqstan balalary» biryńǵai tujyrymdamasyna sai túzildi. 22 mamyrdan bastalyp 1 maýsymǵa deiin jalǵasatyn onkúndik aiasynda otbasy, qaýipsizdik, densaýlyq, bilim berý, bala quqyǵyn qorǵaý sekildi mańyzdy máselelerge basa nazar aýdaryldy.
El aýmaǵynda otbasylyq, aǵartýshylyq, qaiyrymdylyq baǵyttaryndaǵy rásimder, kórmeler, sporttyq týrnirler, ekologiialyq aktsiialar, dárigerler men psihologtardyń qabyldaýlary uiymdastyryldy. Dekadanyń bir kúni tsifrlyq tehnologiialardy ilgeriletýge jáne tsifrlyq ortada balalardy qorǵaýǵa arnaldy.
