Aqmysh shatqaly eskertkishin abattandyrýǵa baǵyttalǵan aqshalai qarajatty urlaý faktisi boiynsha tergeý bastaldy. Bul týraly QR Sybailas jemqorlyqqa qarsy is-qimyl agenttigi 1-shi departamentiniń asa mańyzdy ister jónindegi tergeýshisi Daniiar Biǵaidarov málim etti, dep habarlaidy "Ult aqparat".
«Mańǵystaý oblysy boiynsha Sybailas jemqorlyqqa qarsy qyzmet biyldyń 14 qazanynda Mańǵystaý oblysynyń mádeniet, tilderdi damytý jáne arhiv isi basqarmasy «Mańǵystaý memlekettik tarihi-mádeni qoryǵy» MM basshysynyń mindetin atqarýshy men kompaniia direktoryna qatysty Aqmysh shatqaly eskertkishin abattandyrýǵa baǵyttalǵan aqshalai qarajatty urlaý faktisi boiynsha sotqa deiingi tergeýdi bastady», - dedi Biǵaidarov Facebook paraqshasynda ótken onlain brifingide.
Onyń aitýynsha, qazirgi kezde kináli adamdar moiyndaý túsiniktemesin berdi.Qylmystyq is boiynsha tergeý jalǵasýda. Ózge aqparat tergeý múddesine sai jariia etilmeidi.
