Aqmolalyq palýan Dáýlet Temirjanov eresekter arasynda erkin kúresten Qazaqstan Respýblikasynyń chempiony atandy, dep habarlaidy "Ult aqparat".
Oblystyq dene shynyqtyrý jáne sport basqarmasynyń baspasóz hatshysy Mahabbat Bolshinanyń málimetinshe, Almaty qalasynda eresekter arasynda kúresten Qazaqstan Respýblikasynyń chempionaty ótip jatyr. Jarystyń alǵashqy kúni boz kilemge shyqqan palýandar erkin kúresten kúsh synasty. Jarysqa Aqmola oblysynan 9 palýan qatysty.
«57 salmaqtaǵylar arasynda Dáýlet Temirjanov chempion atanyp, Ulttyq qurama sapyna endi», - deidi vedomstvodan.
Dáýlet Temirjanov Bógenbai batyr atyndaǵy sporttaǵy daryndy balalardyń oblystyq mektep-internatynyń túlegi. Ol joǵary sporttyq sheberlik mektebinde jattyǵady. Jattyqtyrýshylary Evgenii Sýdeikin, Erik Japarov jáne Farhat Sháiimov.
«Dáýlet 57 salmaqtaǵylar arasynda jeńiske jetip, óziniń myqty ekenin dáleldedi. Osyndai olimpiadalyq salmaqta onyń úzdik atanýy tekten tek emes. Bul bizdiń sportshylardyń deńgeii joǵary ekenin kórsetedi», - deidi erkin kúresten ulttyq quramanyń bas jattyqtyrýshysy Áset Serikbaev.
