Aqmola oblysynda jaiaý júrginshini qaǵyp ketken qaraǵandylyqtar ustaldy, dep habarlaidy "Ult aqparat" politsiia departamentine silteme jasap.
Maýsymnyń 12-de Aqmola oblysynyń Arshaly kenti aýmaǵynda «Ekaterinbýrg-Almaty» tasjolynyń boiynda jol-kólik oqiǵasy boldy.
Politseiler VAZ-2114 avtokóliginiń belgisiz júrgizýshisi jaiaý júrginshini qaǵyp, oqiǵa ornynan qashyp ketkenin anyqtady.
Jábirlenýshi túrli aýyr jaraqat alyp, kóz jumdy.
Anyqtalǵandai, atalmysh kólik Qaraǵandyǵa qarai bet alǵan jáne ol beinebaqylaý kameralarynda tirkelgen.
Budan keiin Qaraǵandy qalasy PB kriminaldyq politsiia qyzmetkerleri men Aqmola oblysy PD jol-kólik oqiǵasyna qatysýshylardy anyqtaý úshin birlesken jedel izdestirý sharasyn ótkizdi.
Tártip saqshylary Qostanaidan Qaraǵandyǵa avtokólik jetkizýmen ainalysatyn Qaraǵandynyń tórt turǵynyn ustady. Kúdiktiler kinásin moiyndady.
Qazirgi ýaqytta olar tergeý áreketin júrgizý úshin Aqmola oblysy PD qyzmetkerlerine berildi.
Osy oqiǵa boiynsha Qylmystyq kodekstiń 345-baby 3-bóligi boiynsha qylmystyq is tirkeldi.
