اقمولا وبلىسىندا جاياۋ جٷرگٸنشٸنٸ قاعىپ كەتكەن قاراعاندىلىقتار ۇستالدى, دەپ حابارلايدى "ۇلت اقپارات" پوليتسييا دەپارتامەنتٸنە سٸلتەمە جاساپ.
ماۋسىمنىڭ 12-دە اقمولا وبلىسىنىڭ ارشالى كەنتٸ اۋماعىندا «ەكاتەرينبۋرگ-الماتى» تاسجولىنىڭ بويىندا جول-كٶلٸك وقيعاسى بولدى.
پوليتسەيلەر ۆاز-2114 اۆتوكٶلٸگٸنٸڭ بەلگٸسٸز جٷرگٸزۋشٸسٸ جاياۋ جٷرگٸنشٸنٸ قاعىپ, وقيعا ورنىنان قاشىپ كەتكەنٸن انىقتادى.
جەبٸرلەنۋشٸ تٷرلٸ اۋىر جاراقات الىپ, كٶز جۇمدى.
انىقتالعانداي, اتالمىش كٶلٸك قاراعاندىعا قاراي بەت العان جەنە ول بەينەباقىلاۋ كامەرالارىندا تٸركەلگەن.
بۇدان كەيٸن قاراعاندى قالاسى پب كريمينالدىق پوليتسييا قىزمەتكەرلەرٸ مەن اقمولا وبلىسى پد جول-كٶلٸك وقيعاسىنا قاتىسۋشىلاردى انىقتاۋ ٷشٸن بٸرلەسكەن جەدەل ٸزدەستٸرۋ شاراسىن ٶتكٸزدٸ.
تەرتٸپ ساقشىلارى قوستانايدان قاراعاندىعا اۆتوكٶلٸك جەتكٸزۋمەن اينالىساتىن قاراعاندىنىڭ تٶرت تۇرعىنىن ۇستادى. كٷدٸكتٸلەر كٸنەسٸن مويىندادى.
قازٸرگٸ ۋاقىتتا ولار تەرگەۋ ەرەكەتٸن جٷرگٸزۋ ٷشٸن اقمولا وبلىسى پد قىزمەتكەرلەرٸنە بەرٸلدٸ.
وسى وقيعا بويىنشا قىلمىستىق كودەكستٸڭ 345-بابى 3-بٶلٸگٸ بويىنشا قىلمىستىق ٸس تٸركەلدٸ.
