Aqmola oblysynda ýly gazdy anyqtaityn sensor qurylńynyń arqasynda bes adamnan turatyn bútin bir otbasy aman qaldy, dep habarlaidy "Ult aqparat".
Oblystyq TJD baspasóz qyzmetiniń málimetinshe, Aqsý kentinde túngi ýaqytta jeke turǵyn úiden órt shyqqan. Órt kezinde úide jalǵyz basty áiel men onyń úsh balasy jáne aǵasy uiyqtap jatqan. Buǵan deiin Stepnogor qalalyq ákiminiń qoldaýymen «Órt qaýipsizdigi kúni» aktsiiasy sheńberinde atalmysh úige ýly gazdy anyqtaityn sensor qurylǵy ornatylypty. Órt shyqqan kezde osy dabyl iske qosylyp, jalǵyz basty áiel men onyń úsh balasy jáne aǵasy qutqaryldy.
«Oqiǵa ornyna dereý Stepnogor qalalyq qutqarý-órt sóndirý bólimshesiniń jeke quramy men kúshteri, «Stepnogor EPZ» AQ jumysshylary jumyldyryldy. Órt 28 sharshy metr aýmaqty sharpydy. Ýly gazdy anyqtaityn dachiktiń arqasynda bes adamnan turatyn bútin bir otbasy syrtqa shyǵyp aman qaldy», - deidi vedomstvodan.
Aitalyq, Aqmola oblysynda jylytý maýsymy bastalǵannan beri ýly gazdy anyqtaityn dachiktiń 763 dachik ornatylǵan.
