Aqmola oblysynda jergilikti turǵynnan uzaq ýaqyt aqsha talap etip kelgen kúdikti ustaldy, dep habarlaidy QazAqparat oblystyq PD baspasóz qyzmetine silteme jasap.
Vedomstvonyń málimetinshe, shilde aiynda Kókshetaý qalasynyń turǵyny politsiiaǵa aryz bergen. Er adam beitanys bireýdiń ózinen úsh jyl boiy qorqytý jáne zorlyq-zombylyq arqyly aqsha talap etip kelgenin aitty. Óz densaýlyǵyna qaýiptenip, únemi qaýipten sharshaǵan jábirlenýshi politsiiaǵa kómek surap júgindi.
«Jedel-izdestirý is-sharalary barysynda Aqmola oblysy PD Kriminaldyq politsiia basqarmasynyń qyzmetkerleri buryn Qylmystyq kodekstiń 104-shi babynyń 1-shi bóligi «Abaisyzda qazaǵa ushyratý» boiynsha qylmystyq jaýapkershilikke tartylǵan 35 jastaǵy oblys ortalyǵynyń turǵynyn anyqtady. Kúdikti jábirlenýshige bankten nesie resimdeýdi talap etken. Al bul múmkin bolmaǵan kezde er adamnan turmystyq tehnikasyn kúshtep tartyp alǵan», - dedi vedomstvodan.
Qazirgi kezde osyǵan bailanysty Qylmystyq kodekstiń 194-shi babynyń 1-shi bóligi «Qorqytyp alý» boiynsha sotqa deiingi is júrgizý bastaldy. Osy baptyń sanktsiiasy 4 myń ailyq eseptik kórsetkish mólsherde aiyppul salý nemese sol kólemde 1 myń saǵatqa deiingi merzimge qoǵamdyq jumystarǵa tartý, iá bolmasa 4 jylǵa deiingi merzimge bas bostandyǵynan shekteý nemese sol merzimge bas bostandyǵynan aiyrý túrinde jaza qarastyrylǵan.
