اقمولا وبلىسىندا جەرگٸلٸكتٸ تۇرعىننان ۇزاق ۋاقىت اقشا تالاپ ەتٸپ كەلگەن كٷدٸكتٸ ۇستالدى, دەپ حابارلايدى قازاقپارات وبلىستىق پد باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, شٸلدە ايىندا كٶكشەتاۋ قالاسىنىڭ تۇرعىنى پوليتسيياعا ارىز بەرگەن. ەر ادام بەيتانىس بٸرەۋدٸڭ ٶزٸنەن ٷش جىل بويى قورقىتۋ جەنە زورلىق-زومبىلىق ارقىلى اقشا تالاپ ەتٸپ كەلگەنٸن ايتتى. ٶز دەنساۋلىعىنا قاۋٸپتەنٸپ, ٷنەمٸ قاۋٸپتەن شارشاعان جەبٸرلەنۋشٸ پوليتسيياعا كٶمەك سۇراپ جٷگٸندٸ.
«جەدەل-ٸزدەستٸرۋ ٸس-شارالارى بارىسىندا اقمولا وبلىسى پد كريمينالدىق پوليتسييا باسقارماسىنىڭ قىزمەتكەرلەرٸ بۇرىن قىلمىستىق كودەكستٸڭ 104-شٸ بابىنىڭ 1-شٸ بٶلٸگٸ «ابايسىزدا قازاعا ۇشىراتۋ» بويىنشا قىلمىستىق جاۋاپكەرشٸلٸككە تارتىلعان 35 جاستاعى وبلىس ورتالىعىنىڭ تۇرعىنىن انىقتادى. كٷدٸكتٸ جەبٸرلەنۋشٸگە بانكتەن نەسيە رەسٸمدەۋدٸ تالاپ ەتكەن. ال بۇل مٷمكٸن بولماعان كەزدە ەر ادامنان تۇرمىستىق تەحنيكاسىن كٷشتەپ تارتىپ العان», - دەدٸ ۆەدومستۆودان.
قازٸرگٸ كەزدە وسىعان بايلانىستى قىلمىستىق كودەكستٸڭ 194-شٸ بابىنىڭ 1-شٸ بٶلٸگٸ «قورقىتىپ الۋ» بويىنشا سوتقا دەيٸنگٸ ٸس جٷرگٸزۋ باستالدى. وسى باپتىڭ سانكتسيياسى 4 مىڭ ايلىق ەسەپتٸك كٶرسەتكٸش مٶلشەردە ايىپپۇل سالۋ نەمەسە سول كٶلەمدە 1 مىڭ ساعاتقا دەيٸنگٸ مەرزٸمگە قوعامدىق جۇمىستارعا تارتۋ, يە بولماسا 4 جىلعا دەيٸنگٸ مەرزٸمگە باس بوستاندىعىنان شەكتەۋ نەمەسە سول مەرزٸمگە باس بوستاندىعىنان ايىرۋ تٷرٸندە جازا قاراستىرىلعان.
