Foto: IIM
Aqmola oblysynda bir ǵana kún ishinde aýa raiynyń qolaisyzdyǵyna bailanysty qystyq dóńgeleksiz jolǵa shyqqan 1064 kóliktiń qozǵalysyna shekteý qoiyldy, dep habarlaidy Ult.kz.
«Aýa raiynyń kúrt nasharlap, kóktaiǵaqtyń túzilýine bailanysty Aqmola oblysynda politsiia qyzmetkerleri kúsheitilgen rejimde jumys isteýge kóshti. Tek alǵashqy kúnniń ózinde jazǵy dóńgelekpen jolǵa shyqqan 1064 kólik qozǵalysy shekteldi», – delingen habarlamada.
Mundai jaǵdailardyń kóbi oblystyq jáne respýblikalyq mańyzy bar joldarda – 430, Kókshetaý qalasynda – shamamen 100, qalǵandary aýdandyq joldarda tirkelgen.
«Birneshe ret eskertý jasalǵanyna qaramastan, kóptegen júrgizýshiler jazǵy dóńgelekpen jolǵa shyǵýdy táýekel etti. Qabyldanǵan sharalar men patrýldik qyzmettiń jumysynyń arqasynda sol kúni zardap shekken nemese qaza bolǵan adamdar qatysqan jol apattary tirkelgen joq», – dedi Aqmola oblystyq politsiia departamenti bastyǵynyń orynbasary Serik Abýtálipov.
Sondai-aq patrýldik politseiler qiyn jaǵdaiǵa tap bolǵan júrgizýshilerge kómek kórsetken.
Osy ýaqytta aimaqtaǵy jol qyzmetteri kóktaiǵaqtyń saldaryn joiý boiynsha táýlik boiy jumys istedi.
Respýblikalyq mańyzy bar trassalardy óńdeýge 190 arnaiy tehnika jáne 900 tonnadan astam kóktaiǵaqqa qarsy material paidalanylǵan.
