فوتو: ٸٸم
اقمولا وبلىسىندا بٸر عانا كٷن ٸشٸندە اۋا رايىنىڭ قولايسىزدىعىنا بايلانىستى قىستىق دٶڭگەلەكسٸز جولعا شىققان 1064 كٶلٸكتٸڭ قوزعالىسىنا شەكتەۋ قويىلدى, دەپ حابارلايدى Ult.kz.
«اۋا رايىنىڭ كٷرت ناشارلاپ, كٶكتايعاقتىڭ تٷزٸلۋٸنە بايلانىستى اقمولا وبلىسىندا پوليتسييا قىزمەتكەرلەرٸ كٷشەيتٸلگەن رەجيمدە جۇمىس ٸستەۋگە كٶشتٸ. تەك العاشقى كٷننٸڭ ٶزٸندە جازعى دٶڭگەلەكپەن جولعا شىققان 1064 كٶلٸك قوزعالىسى شەكتەلدٸ», – دەلٸنگەن حابارلامادا.
مۇنداي جاعدايلاردىڭ كٶبٸ وبلىستىق جەنە رەسپۋبليكالىق ماڭىزى بار جولداردا – 430, كٶكشەتاۋ قالاسىندا – شامامەن 100, قالعاندارى اۋداندىق جولداردا تٸركەلگەن.
«بٸرنەشە رەت ەسكەرتۋ جاسالعانىنا قاراماستان, كٶپتەگەن جٷرگٸزۋشٸلەر جازعى دٶڭگەلەكپەن جولعا شىعۋدى تەۋەكەل ەتتٸ. قابىلدانعان شارالار مەن پاترۋلدٸك قىزمەتتٸڭ جۇمىسىنىڭ ارقاسىندا سول كٷنٸ زارداپ شەككەن نەمەسە قازا بولعان ادامدار قاتىسقان جول اپاتتارى تٸركەلگەن جوق», – دەدٸ اقمولا وبلىستىق پوليتسييا دەپارتامەنتٸ باستىعىنىڭ ورىنباسارى سەرٸك ابۋتەليپوۆ.
سونداي-اق پاترۋلدٸك پوليتسەيلەر قيىن جاعدايعا تاپ بولعان جٷرگٸزۋشٸلەرگە كٶمەك كٶرسەتكەن.
وسى ۋاقىتتا ايماقتاعى جول قىزمەتتەرٸ كٶكتايعاقتىڭ سالدارىن جويۋ بويىنشا تەۋلٸك بويى جۇمىس ٸستەدٸ.
رەسپۋبليكالىق ماڭىزى بار تراسسالاردى ٶڭدەۋگە 190 ارنايى تەحنيكا جەنە 900 توننادان استام كٶكتايعاققا قارسى ماتەريال پايدالانىلعان.
