Aqmola oblysynda sheneýnikter 2 jer telimi boiynsha jer paidalaný quqyǵyn berý týraly oń sheshim shyǵarý úshin kásipkerlik sýbektisinen 800 000 teńge somasynda para alý kúdigine ilindi. Bul týraly AntikorNEWS alańynda QR Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov aitty, dep habarlaidy QazAqparat.
«Aqmola oblysy boiynsha Sybailas jemqorlyqqa qarsy qyzmet bir aýdan ákiminiń orynbasary men sáýlet jáne qala qurylysy bólimi basshysyna qatysty aldyn ala sóz bailasý arqyly bir top adamnyń para alý kúdigi boiynsha sotqa deiingi tergeýdi sotqa joldady», - deidi QR Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov.
Onyń aitýynsha, sheneýnikter 2 jer telimi boiynsha jer paidalaný quqyǵyn berý týraly oń sheshim shyǵarý úshin kásipkerlik sýbektisinen 800 000 teńge somasynda para alý kúdigine ilindi.
«Byltyr 17 qazanda olarǵa qatysty «kúzetpen ustaý» bultartpaý sharasy tańdaldy. 2020 jyly 24 jeltoqsanda qylmystyq is aiyptaý qorytyndysymen Arshaly aýdandyq sotyna joldandy», - deidi ol.
