Foto: ashyq derekkóz
Aqmola oblysynda 80 jastaǵy júrgizýshi jaiaý júrginshini qaǵyp óltirip, oqiǵa ornynan qashyp ketken, dep habarlaidy Ult.kz.
Aqmola oblysy Astrahan aýdanynda 2025 jyldyń jazynda adam ólimine ákep soqqan jol-kólik oqiǵasy tirkelgen. 80 jastaǵy jergilikti turǵyn kólik basqaryp kele jatyp, jol jieginde kele jatqan jaiaý adamdy qaǵyp ketken.
Qatty jaraqat alǵan jaiaý júrginshi sol jerde qaitys bolǵan. Júrgizýshi oqiǵa ornynan qashyp ketken. Qaiǵyly jaǵdaidan keiin ol tiisti organdarǵa habar bermei, oqiǵa ornynan boi tasalaǵan.
Qylmystyq is QK-niń 345-baby 3-bóligi (JQE buzý, abaisyzda adam ólimine ákelý) jáne 347-baby boiynsha (JKO ornyn tastap ketý) kináni moiyndaý týraly kelisim tártibimen sotqa joldanǵan.
Astrahan aýdandyq sotynda júrgizilgen protsess barysynda aiyptalýshy óziniń kinásin moiyndap, shynaiy ókinetinin aityp, marqumnyń týystarynan keshirim surady.
Jábirlenýshiler mediatsiia arqyly bitimgershilikke kelgen. Olar keltirilgen zalaldyń ótelgenin aityp, materialdyq ta, moraldyq ta talaptarynyń joq ekenin málimdegen.
Prokýror men qorǵaýshy protsessýaldyq kelisimdi qoldady.
Sot aiyptalýshynyń jasyn, kinásin tolyq moiyndaýyn jáne ókinýin eskere otyryp, oǵan 2 jyl 6 ai shartty jaza taǵaiyndady. Sonymen qatar ol kólik basqarý quqyǵynan aiyryldy.
Úkim zańdy kúshine engen joq.
