Aqmola turǵynynyń qomaqty aqshasyn alaiaqtyq jolmen jymqyrǵan Qyrǵyzstan azamaty ustaldy, dep habarlaidy "Ult aqparat" oblystyq PD baspasóz qyzmetine silteme jasap.
Vedomstvonyń málimetinshe, tamyzdyń 18-de Makinsk qalasynyń turǵynynan politsiiaǵa aryz túsken. Zardap shegýshi 3 mln teńge aqshasyn alaiaqtyq jolmen qaltasyna basqan Qyrǵyzstan Respýblikasynyń azamatyn jaýapkershilikke tartýdy suraǵan.
«Tamyzdyń 30-da tártip saqshylary kúdiktige memleketaralyq izdeý jariialady. Kúdikti týraly málimetter kórshi memleketterdegi áriptesterge joldandy. Izdeý sharalary oń nátije berdi. Resei Federatsiiasynyń Saratov oblysy Ozinskii aýdanynyń tártip saqshylary «Ozinki» ótkizý beketinde shekara asyp ótpek bolǵan er adamdy ustady. Qazirgi kezde ony elge qaitarý máselesi sheshilýde», - deidi vedomstvonyń baspasóz qyzmeti.
PD baspasóz qyzmetinen atap ótkendei, sońǵy kezderi azamattardyń qylmys jasap, keiin shekara asyp qashý oqiǵasy beleń alýda.
Aita keterligi, biyl Aqmola oblysynyń politseileri 97 qylmyskerdiń júrgen jerin anyqtap, ustady. Onyń 49-na memleketaralyq izdeý jariialanǵan.
