Foto: Polisia.kz
Aqmola oblysy Uiymdasqan qylmysqa qarsy kúres basqarmasynyń qyzmetkerleri turǵyndy qorqytý jolymen eki nesie rásimdegen bopsalaýshylardy ustady, - dep habarlaidy Polisia.kz.
Kókshetaý politsiiasyna bopsalaý deregi týraly oblystyq ortalyqtyń 22 jastaǵy turǵyny júgingen. Jas jigittiń aitýy boiynsha, belgisiz úsh jigit ony páterge kúshpen kirgizip, denesine zaqym keltirip, keiin pyshaqpen qorqytyp, úlken mólsherde qarajat talap etken.
"Jaǵdailardy egjei-tegjeili anyqtaǵan jedel ýákilder jábirlenýshiniń buǵan deiin VKontakte áleýmettik jelisinde qyzben tanysqanyn anyqtady. Alǵashqy kezdesýden keiin ony bopsalaýshylar "ustap alǵan". Jábirlenýshide talap etilgen soma bolmaǵandyqtan, qaskóiler onyń telefonyndaǵy bankterdiń qoldanystaǵy qosymshalary arqyly eki onlain-nesie rásimdep, jábirlenýshini únemi ózderiniń baqylaýynda ustap, jaqyn mańdaǵy bankomattardan aqshany sheship alǵan", - delingen habarlamada.
Qolma-qol aqsha bergen jábirlenýshi birden politsiiaǵa júgingen. Derek QR QK-niń 194-baby 2-bóligi ("Qorqytyp alý") boiynsha sotaldy tergep-tekserýlerdiń biryńǵai tiziliminde tirkelgen.
"Kókshetaýda arnaiy operatsiia nátijesinde uiymdasqan qylmysqa qarsy kúres basqarmasynyń qyzmetkerleri kúdiktilerdi ustady. Oblys ortalyǵynyń 25 jastaǵy turǵyny, olardyń "kóshbasshysyna" qatysty "qamaýda ustaý" bultartpaý sharasy taǵaiyndaldy, ózge eki qatysýshyǵa qatysty da shara qabyldanyp, qylmystyq isti tergeý jalǵasyp jatyr", - delingen habarlamada.
