فوتو: Polisia.kz
اقمولا وبلىسى ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ تۇرعىندى قورقىتۋ جولىمەن ەكٸ نەسيە رەسٸمدەگەن بوپسالاۋشىلاردى ۇستادى, - دەپ حابارلايدى Polisia.kz.
كٶكشەتاۋ پوليتسيياسىنا بوپسالاۋ دەرەگٸ تۋرالى وبلىستىق ورتالىقتىڭ 22 جاستاعى تۇرعىنى جٷگٸنگەن. جاس جٸگٸتتٸڭ ايتۋى بويىنشا, بەلگٸسٸز ٷش جٸگٸت ونى پەتەرگە كٷشپەن كٸرگٸزٸپ, دەنەسٸنە زاقىم كەلتٸرٸپ, كەيٸن پىشاقپەن قورقىتىپ, ٷلكەن مٶلشەردە قاراجات تالاپ ەتكەن.
"جاعدايلاردى ەگجەي-تەگجەيلٸ انىقتاعان جەدەل ۋەكٸلدەر جەبٸرلەنۋشٸنٸڭ بۇعان دەيٸن ۆكونتاكتە ەلەۋمەتتٸك جەلٸسٸندە قىزبەن تانىسقانىن انىقتادى. العاشقى كەزدەسۋدەن كەيٸن ونى بوپسالاۋشىلار "ۇستاپ العان". جەبٸرلەنۋشٸدە تالاپ ەتٸلگەن سوما بولماعاندىقتان, قاسكٶيلەر ونىڭ تەلەفونىنداعى بانكتەردٸڭ قولدانىستاعى قوسىمشالارى ارقىلى ەكٸ ونلاين-نەسيە رەسٸمدەپ, جەبٸرلەنۋشٸنٸ ٷنەمٸ ٶزدەرٸنٸڭ باقىلاۋىندا ۇستاپ, جاقىن ماڭداعى بانكوماتتاردان اقشانى شەشٸپ العان", - دەلٸنگەن حابارلامادا.
قولما-قول اقشا بەرگەن جەبٸرلەنۋشٸ بٸردەن پوليتسيياعا جٷگٸنگەن. دەرەك قر قك-نٸڭ 194-بابى 2-بٶلٸگٸ ("قورقىتىپ الۋ") بويىنشا سوتالدى تەرگەپ-تەكسەرۋلەردٸڭ بٸرىڭعاي تٸزٸلٸمٸندە تٸركەلگەن.
"كٶكشەتاۋدا ارنايى وپەراتسييا نەتيجەسٸندە ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ كٷدٸكتٸلەردٸ ۇستادى. وبلىس ورتالىعىنىڭ 25 جاستاعى تۇرعىنى, ولاردىڭ "كٶشباسشىسىنا" قاتىستى "قاماۋدا ۇستاۋ" بۇلتارتپاۋ شاراسى تاعايىندالدى, ٶزگە ەكٸ قاتىسۋشىعا قاتىستى دا شارا قابىلدانىپ, قىلمىستىق ٸستٸ تەرگەۋ جالعاسىپ جاتىر", - دەلٸنگەن حابارلامادا.
