Foto: ria.ru
Aqmola oblysy Bestóbe kentindegi paidalanylmaityn shahtadan úiindi astynan zańsyz jumys istegen eki adamnyń denesi tabyldy, - dep habarlaidy Tengrinews.kz portaly Polisia.kz basylymyna silteme jasap.
15 qańtarda Stepnogorsk qalasynyń politsiiasyna "Tsentralnaia" shahtasy kenishiniń dispetcherinen 520-aýmaqta ken úiindileri astynan eki adamnyń denesi tabylǵany týraly habarlama túsken.
Osy iske qatysty materialdardy jinaý barysynda qaza tapqandardyń jeke basy anyqtalǵan. Olardyń biri - 1986 jyly týǵan Bestóbe aýylynyń turǵyny. Ol birneshe jyl buryn shahtada jumys istegen. Ekinshi qaitys bolǵan adam - Stepnogorsk qalasynyń 35 jastaǵy turǵyny. Kýágerdiń, sondai-aq, zańsyz jumys istegen adamnyń aitýynsha, olardyń deneleri úiilgen ken astynan tabylǵan. Al sodan keiin basqalardyń kómegimen jer betine shyǵarylǵan.
Bul derek QR Qylmystyq kodeksiniń 269-1-baby, 3-bóligi boiynsha sotaldy tergep-tekserýdiń biryńǵai tizilimine tirkelgen. Tergeý jalǵasyp jatyr.
