فوتو: ria.ru
اقمولا وبلىسى بەستٶبە كەنتٸندەگٸ پايدالانىلمايتىن شاحتادان ٷيٸندٸ استىنان زاڭسىز جۇمىس ٸستەگەن ەكٸ ادامنىڭ دەنەسٸ تابىلدى, - دەپ حابارلايدى Tengrinews.kz پورتالى Polisia.kz باسىلىمىنا سٸلتەمە جاساپ.
15 قاڭتاردا ستەپنوگورسك قالاسىنىڭ پوليتسيياسىنا "تسەنترالنايا" شاحتاسى كەنٸشٸنٸڭ ديسپەتچەرٸنەن 520-اۋماقتا كەن ٷيٸندٸلەرٸ استىنان ەكٸ ادامنىڭ دەنەسٸ تابىلعانى تۋرالى حابارلاما تٷسكەن.
وسى ٸسكە قاتىستى ماتەريالداردى جيناۋ بارىسىندا قازا تاپقانداردىڭ جەكە باسى انىقتالعان. ولاردىڭ بٸرٸ - 1986 جىلى تۋعان بەستٶبە اۋىلىنىڭ تۇرعىنى. ول بٸرنەشە جىل بۇرىن شاحتادا جۇمىس ٸستەگەن. ەكٸنشٸ قايتىس بولعان ادام - ستەپنوگورسك قالاسىنىڭ 35 جاستاعى تۇرعىنى. كۋەگەردٸڭ, سونداي-اق, زاڭسىز جۇمىس ٸستەگەن ادامنىڭ ايتۋىنشا, ولاردىڭ دەنەلەرٸ ٷيٸلگەن كەن استىنان تابىلعان. ال سودان كەيٸن باسقالاردىڭ كٶمەگٸمەن جەر بەتٸنە شىعارىلعان.
بۇل دەرەك قر قىلمىستىق كودەكسٸنٸڭ 269-1-بابى, 3-بٶلٸگٸ بويىنشا سوتالدى تەرگەپ-تەكسەرۋدٸڭ بٸرىڭعاي تٸزٸلٸمٸنە تٸركەلگەن. تەرگەۋ جالعاسىپ جاتىر.
