Aqmola oblysynda jolda qalǵan 40-tan astam adam evakýatsiialandy, dep habarlaidy oblystyq TJD baspasóz qyzmeti.
Vedomstvonyń málimetinshe, Astrahan aýdanynyń qutqarýshylaryna «Ekaterinbor-Almaty» respýblikalyq mańyzy bar avtomobil jolynda avtobýs jolda qaldy degen habarbarlama túsken.
«Aitylǵan jerge jetken qutqarýshylar men jergilikti atqarýshy organdardyq qyzmetkerleri avtobýsta bolǵan 43 jolaýshyny (onyń 8 bala) evakýatsiialap, Novocherkask aýylyndaǵy jylytý pýnktine ornalastyrdy. Jolaýshylar meditsinalyq kómekke júgingen joq», - dedi vedomstvodan.
Qys ailarynda Aqmola oblysynda respýblikalyq jáne jergilikti avtokólik joldarynyń qaýipti ýchaskelerinde 257 jylytý pýnkti jumys isteidi.
Eske sala keteiik, Aqmola oblysynda bir aptadan astam ýaqyt boiy aýa temperatýrasy minýs 37 gradýs aiazdy kórsetip tur. Osyǵan bailanysty 7 qańtardan bastap, qoǵamdyq jáne dizel otynymen júretin kólikterdiń jolǵa shyǵýyna tiym salynyp otyr.
