Aqmola oblysynda jedel járdem kóligine oq atqan adam anyqtaldy, dep habarlaidy "Ult aqparat".
Oblystyq Politsiia departamenti baspasóz qyzmetiniń málimetinshe, Shýchinsk qalasynda jedel járdem avtokóliginiń terezesin zaqymdaǵandardy anyqtaý boiynsha jedel-izdestirý sharalary júrgizildi. Onyń nátijesi boiynsha 17 jastaǵy kúdikti men oqiǵanyń eki kýágeri anyqtaldy. Olardyń barlyǵy - Shýche qalasyndaǵy kolledj stýdentteri.
«Jastardyń aitýynsha, 11 sáýirde keshki saǵat 22:00 shamasynda olar kópqabatty úidiń aýlasynda pnevmatikalyq tapanshadan metall bótelkelerge oq atqan. Osy kezde atqan oq kezdeisoq ótip bara jatqan jedel járdem kóliginiń terezesine tigen. Jastardyń ótip bara jatqan avtokólikke oq atý nieti bolmaǵan», - deidi vedomstvodan.
