Bulandy aýdanyndaǵy «Makinsk jylý oqshaýlaý zaýyty» JShS-niń suiytylǵan kómirsýtek gazyn saqtaýǵa arnalǵan rezervýarlyq parki aýmaǵynda gaz-aýa qospasy jarylyp, 48 jastaǵy er adam zardap shekti, dep habarlaidy QazAqparat.
Aqmola oblystyq Tótenshe jaǵdailar departamenti baspasóz qyzmetiniń málimetinshe, jarylys búgin saǵat 11:50-de bolǵan.
«Jarylys saldarynan 1974 jyly týǵan er adam jaraqat aldy. Qazirgi kezde onyń jaǵdaiy ortasha, denesiniń 40 paiyzy termiialyq kúiikpen aýdandyq ortalyq aýrýhanaǵa jetkizildi. Jarylystyń boljamdy sebebi – suiytylǵan kómirsýtekti gaz rezervýarlaryna quiý erejelerin buzý. Qazirgi ýaqytta politsiia organdary sotqa deiingi tergeý júrgizip jatyr», - dedi departament bastyǵy Nurlan Atyǵaev.
Vedomstvodan atap ótkendei, oqiǵaǵa ornyna Aqmola oblysy Tótenshe jaǵdailar departamentiniń jeke quramynan 8 adam jáne 2 tehnika tartyldy. Saǵat 12:09-da órt aýyzdyqtalyp, saǵat 12:25-te sóndirildi. Órt aýmaǵy – 10 sharshy metr.
Osy rette Aqmola oblystyq Tótenshe jaǵdailar departamentiniń qyzmetkerleri óńir turǵyndary men qonaqtaryna órt qaýipsizdigi erejelerin saqtaý qajettigin eskertedi.
