Koronavirýsqa jai tumaý tárizdi qaramaý kerek. Bul aýrý sanaýly kúnderde buryn eshqandai aýrýy bolmaǵan eń myqty jastardyń densaýlyǵyn buzýy múmkin. Bul týraly aimaq basshysy Ermek Marjyqpaev óńirde karantin sharalaryn sharalardy saqtaý týraly ótken brifingide aitty, – dep habarlaidy QazAqparat.
Aimaq basshysynyń aitýynsha, óńirde koronavirýs infektsiiasyn juqtyrǵan naýqastardyń 11 paiyzy 20-30 jas aralyǵyndaǵy jastar, 25 paiyzy 30-50 jas aralyǵyndaǵylar.
«Koronavirýsqa jai tumaý tárizdi qaramaý kerek. Bul aýrý sanaýly kúnderde buryn eshqandai aýrýy bolmaǵan eń myqty jastardyń densaýlyǵyn buzýy múmkin. Sanitarlyq sharalardy saqtamasaq qatań karantin rejimine qaita kóshýimiz múmkin. Sondyqtan árbir oblys turǵyny oǵan tolyq jaýapkershilikpen jáne túsinistikpen qaraýy tiis!», - dedi Ermek Marjyqpaev óz sózinde.
Brifingide aitylǵandai, tótene jaǵdai engizý kezinen bastap oblys aýmaǵynda 100 blokpost jumys istese, búgingi kúni onyń 6-ýy ǵana qaldy. Qaýipsizdik sharalarynyń saqtalýyn baqylaý maqsatynda jedel toptar reidter júrgizip jatyr. Búgingi tańda 4 myń nysan tekserilip, olardyń 375-nen ereje buzý jaǵdailary anyqtaldy. Nátijesinde 200 ákimshilik material toltyryldy.
Sondai-aq, sanitarlyq epidemiologiialyq talaptardy saqtamaǵan jeke tulǵalarǵa qatysty 400-den astam material toltyryldy. Oblysta qosymsha 2 PTsR zerthanasy (Ulttyq saraptama ortalyǵynyń filialy men «Olimp» meditsinalyq ortalyǵynyń zerthanasy bazasynda) ashylyp, jedel testileý júrgizip jatyr. Bir aida 30 myńǵa jýyq adam test tapsyrdy. Sanitarlyq normalardy buzǵany úshin birqatar nysan, onyń ishinde qurylys kompaniialary, dámhanalar, meiramhanalar jabylǵan.
Sondai-aq, qoǵamdyq kólikti paidalaný erejeleri kúsheitilgen.
