كوروناۆيرۋسقا جاي تۇماۋ تەرٸزدٸ قاراماۋ كەرەك. بۇل اۋرۋ ساناۋلى كٷندەردە بۇرىن ەشقانداي اۋرۋى بولماعان ەڭ مىقتى جاستاردىڭ دەنساۋلىعىن بۇزۋى مٷمكٸن. بۇل تۋرالى ايماق باسشىسى ەرمەك مارجىقپاەۆ ٶڭٸردە كارانتين شارالارىن شارالاردى ساقتاۋ تۋرالى ٶتكەن بريفينگٸدە ايتتى, – دەپ حابارلايدى قازاقپارات.
ايماق باسشىسىنىڭ ايتۋىنشا, ٶڭٸردە كوروناۆيرۋس ينفەكتسيياسىن جۇقتىرعان ناۋقاستاردىڭ 11 پايىزى 20-30 جاس ارالىعىنداعى جاستار, 25 پايىزى 30-50 جاس ارالىعىنداعىلار.
«كوروناۆيرۋسقا جاي تۇماۋ تەرٸزدٸ قاراماۋ كەرەك. بۇل اۋرۋ ساناۋلى كٷندەردە بۇرىن ەشقانداي اۋرۋى بولماعان ەڭ مىقتى جاستاردىڭ دەنساۋلىعىن بۇزۋى مٷمكٸن. سانيتارلىق شارالاردى ساقتاماساق قاتاڭ كارانتين رەجيمٸنە قايتا كٶشۋٸمٸز مٷمكٸن. سوندىقتان ەربٸر وبلىس تۇرعىنى وعان تولىق جاۋاپكەرشٸلٸكپەن جەنە تٷسٸنٸستٸكپەن قاراۋى تيٸس!», - دەدٸ ەرمەك مارجىقپاەۆ ٶز سٶزٸندە.
بريفينگٸدە ايتىلعانداي, تٶتەنە جاعداي ەنگٸزۋ كەزٸنەن باستاپ وبلىس اۋماعىندا 100 بلوكپوست جۇمىس ٸستەسە, بٷگٸنگٸ كٷنٸ ونىڭ 6-ۋى عانا قالدى. قاۋٸپسٸزدٸك شارالارىنىڭ ساقتالۋىن باقىلاۋ ماقساتىندا جەدەل توپتار رەيدتەر جٷرگٸزٸپ جاتىر. بٷگٸنگٸ تاڭدا 4 مىڭ نىسان تەكسەرٸلٸپ, ولاردىڭ 375-نەن ەرەجە بۇزۋ جاعدايلارى انىقتالدى. نەتيجەسٸندە 200 ەكٸمشٸلٸك ماتەريال تولتىرىلدى.
سونداي-اق, سانيتارلىق ەپيدەميولوگييالىق تالاپتاردى ساقتاماعان جەكە تۇلعالارعا قاتىستى 400-دەن استام ماتەريال تولتىرىلدى. وبلىستا قوسىمشا 2 پتسر زەرتحاناسى (ۇلتتىق ساراپتاما ورتالىعىنىڭ فيليالى مەن «وليمپ» مەديتسينالىق ورتالىعىنىڭ زەرتحاناسى بازاسىندا) اشىلىپ, جەدەل تەستٸلەۋ جٷرگٸزٸپ جاتىر. بٸر ايدا 30 مىڭعا جۋىق ادام تەست تاپسىردى. سانيتارلىق نورمالاردى بۇزعانى ٷشٸن بٸرقاتار نىسان, ونىڭ ٸشٸندە قۇرىلىس كومپانييالارى, دەمحانالار, مەيرامحانالار جابىلعان.
سونداي-اق, قوعامدىق كٶلٸكتٸ پايدالانۋ ەرەجەلەرٸ كٷشەيتٸلگەن.
