Foto: polisia.kz
Aqmola oblysynyń politseileri Uly Otan soǵysynda qaza tapqandar men Makinsk qalasyndaǵy internatsionaldy-jaýyngerlerdi eske alý alańyna zaqym keltirgen vandaldyń jeke basyn anyqtady, - dep habarlaidy «Ult aqparat» Tengrinews.kz- ke silteme jasap.
27 mamyrda Bulandy aýdanynyń Makinsk qalasynda óreskel oqiǵa boldy: belgisiz adamdar Uly Otan soǵysynda qaza tapqan jáne Aýǵanstandaǵy soǵys jyldarynda qaza tapqan internatsionaldy-jaýyngerlerdi eske alý alańynda ornatylǵan granit plitalaryn talqandady.
Politsiia qyzmetkerleri vandalizm faktisi boiynsha sotqa deiingi tergep-tekserýdi bastady jáne jedel-izdestirý is-sharalaryn júrgizdi. Oqiǵany politseiler bei-jai qaldyrmady: kúsheitilgen rejimde aýdandyq politsiia bóliminiń barlyq jeke quramy ziiankesterdi izdeýmen ainalysty. Eki kún ishinde qyzmetkerler páterler men úilerdi aralap, qylmys jasalǵan aýdanda ornatylǵan kamera jazbalaryn zerttep, buzaqylyq áreketterge beiim adamdardy tekserdi.
Qabyldanǵan sharalardyń nátijesinde vandaldyń jeke basy anyqtaldy. Ol Makinsk qalasynyń 17 jastaǵy turǵyny bolyp shyqty. Qazirgi ýaqytta politseiler mundai árekettiń sebepterin anyqtap, jedel-tergeý sharalaryn júrgizip jatyr.
