Foto: Kazinform
Aqmola oblysynda tarif kótergen «Stepnogor temir joly» JShS-ne 5 mln teńgege jýyq mólsherde aiyppul salynyp, 64,5 mln teńge tabysy tárkilendi, dep habarlaidy Aqmola oblysy boiynsha Básekelestikti qorǵaý jáne damytý departamenti.
Belgili bolǵanyndai, vagondardy kommertsiialyq tekserý qyzmetine monopoliialyq joǵary baǵa belgileý derekteri boiynsha «Stepnogor temir joly» JShS qatysty monopoliiaǵa qarsy tergeý júrgizilgen.
«Biylǵy jyldyń 28 naýryzynda Stepnogor qalalyq sotynyń qaýlysymen JShS QR Ákimshilik quqyq buzýshylyq týraly kodeksiniń 159-baby boiynsha 64 455 194 teńge mólsherinde monopoliialyq tabysy tárkilenip, 4 903 034 teńge somasyna aiyppul túrinde ákimshilik jaýapqa tartyldy. Al 14 mamyrda Aqmola oblystyq sotynyń apelliatsiialyq satysy aiyppul salý týraly qaýly zańdy kúshine endi», - dedi vedomstvodan.
Sonymen qatar departament vagondardy kommertsiialyq tekserý qyzmetine tarifterdi tómendetý maqsatynda baǵany negizdelgen deńgeige deiin tómendetý talabymen buzýshylyqtardy toqtatý týraly uiǵarym shyǵardy.
