Aqmola oblysynda 2020 jyly sybailas jemqorlyq úshin 76 adam qylmystyq jaýapkershilikke tartyldy, onyń 15-i - respýblikalyq jáne jergilikti deńgeidegi birinshi basshylar. Bul týraly Sybailas jemqorlyqqa qarsy is-qimyl aýmaqtyq departamentiniń basshysy Murat Tóleýbaev «Antikor ortalyǵy» alańynda ótken brifingte aitty, dep habarlaidy "Ult aqparat" vedomstvonyń baspasóz qyzmetine silteme jasap.
«Ótken jyly oblystyń sybailas jemqorlyqqa qarsy qyzmetiniń óndirisinde 100 – den astam qylmystyq is boldy, onyń 78-i aýyr qylmystar boiynsha. Negizinen, bul urlaý, paraqorlyq, sondai-aq alaiaqtyq faktileri. 51 adamǵa qatysty 136 is sotqa jiberildi», - dedi Murat Tóleýbaev.
Ótken jyly sottalǵandar arasynda basshylyq quramynyń tulǵalary - Aqmola oblysynyń Mádeniet, arhivter jáne qujattama basqarmasynyń basshysy R.T.Bikenev, Zerendi aýdanynyń ákimi B.N.Ábýtálipov, Indýstriialyq damý jáne ónerkásiptik qaýipsizdik komiteti departamentiniń basshysy S.K.Moldaǵulov jáne oblystyq, aýdandyq deńgeidegi basqa da basshylar bar.
Sonymen qatar, Baraev atyndaǵy Astyq sharýashylyǵy ǵylymi-óndiristik respýblikalyq ortalyǵynyń bas direktory, Arshaly aýdany ákiminiń orynbasary, sondai-aq oblystyń birneshe aýdan ákimdikteriniń bólim basshylary sotqa jiberildi.
Odan basqa, oblystyń Sybailas jemqorlyqqa qarsy vedomstvosy júieli sybailas jemqorlyqtyń 7 faktisin anyqtady, onda 35 qylmys anyqtaldy jáne 21 adam tartyldy.
Shaǵyn jáne orta biznestiń qyzmetine aralasýdyń birqatar faktileriniń joly kesildi. Memlekettik baǵdarlamalardy súiemeldeý aiasynda óńirdiń 26 qylmys tirkeldi.
2020 jylǵy jumys qorytyndysy boiynsha memleketke ótelgen zalal somasy 650 million teńgeden asty.
Qylmystyq isterdi tergeý nátijeleri boiynsha Departament sybailas jemqorlyq quqyq buzýshylyqtar jasaýǵa yqpal etetin sebepter men jaǵdailardy joiý týraly 88 usyný engizdi.
Usynýlardy qaraý qorytyndysy boiynsha 69 laýazymdy tulǵa tártiptik jaýapkershilikke tartyldy, olardyń ishinde 21 basshylyq quramynyń tulǵalary.
13 laýazymdy tulǵa jumystan bosatyldy, 10 adamǵa qyzmetke tolyq sáikes emestigi týraly eskertildi.
«2019 jylmen salystyrǵanda óńirde sybailas jemqorlyq quqyq buzýshylyqtar sanynyń tómendeý dinamikasy baiqalady, bul sybailas jemqorlyqqa qarsy júrgizilip jatqan aldyn alý sharalarynyń tiimdiligin kórsetedi. Jalpy, biz óńirde sybailas jemqorlyqqa qarsy is - qimyldy kúsheitý aiasynda júieli jumysty jalǵastyramyz», - dep túiindedi Murat Tóleýbaev.
