Foto: QTJ
Oqiǵa Aqmola oblysyndaǵy Makinka stantsiiasyna jaqyn ornalasqan "Bota 2015" JShS-niń kirme jolynda bolǵan. Sol jerde 8 júk vagony relsten shyǵyp ketken. Bul týraly "QTJ" baspasóz qyzmeti habarlady.
"Lokomotiv jeke kompaniiaǵa tiesili. Brigada qyzmetkerleri de jeke uiymnyń jumysshylary. Oqiǵa saldarynan bailanys jelisi qurylǵylary zaqymdandy. Zardap shekkender joq. Poiyzdar qozǵalysynda kidirister bar", – dedi "QTJ" ókilderi.
Oqiǵa ornyna qalpyna keltirý poiyzdary men apattyq brigada jiberilgen.
Keiin "QTJ" Makinka stantsiiasynda jaǵdai turaqtalyp, poiyz qozǵalysy qaita jandanǵanyn habarlady.
"Oqiǵa jeke uiym qyzmetkerleriniń kinásinen bolǵan. Vagondardyń relsten shyǵý sebepteri tergelip jatyr", – dep habarlady kompaniia.
