فوتو: قتج
وقيعا اقمولا وبلىسىنداعى ماكينكا ستانتسيياسىنا جاقىن ورنالاسقان "بوتا 2015" جشس-نٸڭ كٸرمە جولىندا بولعان. سول جەردە 8 جٷك ۆاگونى رەلستەن شىعىپ كەتكەن. بۇل تۋرالى "قتج" باسپاسٶز قىزمەتٸ حابارلادى.
"لوكوموتيۆ جەكە كومپانيياعا تيەسٸلٸ. بريگادا قىزمەتكەرلەرٸ دە جەكە ۇيىمنىڭ جۇمىسشىلارى. وقيعا سالدارىنان بايلانىس جەلٸسٸ قۇرىلعىلارى زاقىمداندى. زارداپ شەككەندەر جوق. پويىزدار قوزعالىسىندا كٸدٸرٸستەر بار", – دەدٸ "قتج" ٶكٸلدەرٸ.
وقيعا ورنىنا قالپىنا كەلتٸرۋ پويىزدارى مەن اپاتتىق بريگادا جٸبەرٸلگەن.
كەيٸن "قتج" ماكينكا ستانتسيياسىندا جاعداي تۇراقتالىپ, پويىز قوزعالىسى قايتا جاندانعانىن حابارلادى.
"وقيعا جەكە ۇيىم قىزمەتكەرلەرٸنٸڭ كٸنەسٸنەن بولعان. ۆاگونداردىڭ رەلستەن شىعۋ سەبەپتەرٸ تەرگەلٸپ جاتىر", – دەپ حابارلادى كومپانييا.
