Foto: Polisia.kz
Aqmola oblysynda poiyz birneshe jylqyny qaǵyp ketti, – dep habarlaidy Polisia.kz.
Biyl kóliktegi politsiia departamentinde poiyzdardyń shuǵyl tejelýiniń 476 faktisi tirkelgen, onyń ishinde adamdardyń bolýy sebebinen – 110, temir jol tóseminde úi janýarlarynyń bolýyna bailanysty – 281 jáne basqa da sebeptermen poiyz júrisi shuǵyl toqtatylǵan. Temirjol boiynda mal jaiǵany úshin 130 azamat ákimshilik jaýapkershilikke tartyldy.
"Máselen, 11 mamyrda Aqmola oblysy Jamantuz – Býrabai stantsiialarynyń aralyǵynda “Petropavl–Almaty” baǵytyndaǵy jolaýshylar poiyzynyń mashinisi temirjoldaǵy jylqylardy baiqap, soqtyǵysýdy boldyrmaýǵa tyrysyp, shuǵyl tejeýdi qoldandy. Alaida soqtyǵysýdyń aldyn alý múmkin bolmady, saldarynan 7 jylqyny qaǵyp ketti. Josparlanbaǵan poiyz turaǵy 23 minýtty qurady.
Kókshetaý stantsiiasynda jelilik politsiia bóliminiń qyzmetkerleri júrgizilgen jedel-izdestirý is-sharalarynyń nátijesinde jylqylardyń iesin, Aqmola oblysynyń 48 jastaǵy turǵynyn anyqtady.
Er adamǵa qatysty QR ÁQBtK-niń 559-babynyń 1-bóligi boiynsha ákimshilik hattama toltyryp, 5 ailyq eseptik kórsetkish mólsherinde aiyppul salyndy.
Dál sol kúni Aqmola oblysynyń Saryoba – Erkinshilik aralyǵynda da osyndai jaǵdai boldy. “Astana – Pavlodar” baǵytyndaǵy elektr poiyzynyń astyna 5 bas jylqy tústi. Bul jaǵdaida da mal iesi anyqtalyp, temirjol jolaǵynda mal jaiý erejelerin buzǵany úshin ákimshilik jaýapkershilikke tartyldy" - delingen habarlamada.
Kólik politseileri úi janýarlarynyń ielerine muqiiat bolýdy jáne temirjol jolaǵynda mal jaimaýdy eskertedi.
