27 qarasha kúni Kókshetaýda oblystyq ishki saiasat basqarmasynyń uiymdastyrýymen «Onomastika: zertteý jáne tájiribe» atty praktikalyq seminar ótti.
Atalmysh shara Qazaqstan Respýblikasynda Tilderdi damytý men qoldanýdyń 2011-2019 jyldarǵa arnalǵan Memlekettik baǵdarlamasyn iske asyrý jónindegi 2017-2019 jyldarǵa arnalǵan oblystyq is-sharalar josparyn oryndaý maqsatynda uiymdastyryldy. Maqsaty – Aqmola oblysyna qarasty jer-sýlar men eldi-mekenderdiń tarihi ataýlaryn anyqtaý. Ǵalymdardyń osy taqyryptaǵy zertteýlerin kópshilikke nasihattaý.
Óńirimizde onomastika máselesimen ainalysatyn mamandarǵa ádistemelik kómek kórsetý. Seminarǵa oblystyq onomastika komissiiasynyń músheleri, Kókshetaý qalasynyń onomastika jumysy boiynsha toby, aýdandyq jáne qalalyq mádeniet jáne tilderdi damytý bólimderiniń basshylary men mamandary, oblystyq jáne qalalyq arhivterdiń, Kókshetaý qalasyndaǵy mýzeilerdiń qyzmetkerleri, tarih pániniń muǵalimderi jáne ziialy qaýym ókilderi qatysty.
Seminardy Aqmola oblystyq tarihi-ólketaný mýzeiiniń direktory, oblystyq onomastika komissiiasynyń múshesi Shaqshaqov Qýanysh Ǵibadatuly júrgizdi.
Atalǵan jiynda onomastika salasy baǵytynda ǵylymi zertteýlermen ainalysyp júrgen ǵalymdardyń baiandamalary tyńdaldy. L.Gýmilev atyndaǵy Eýraziia Ulttyq ýniversitetiniń tarih fakýlteti arheologiia jáne etnologiia kafedrasynyń professory, tarih ǵylymdarynyń doktory Jambyl Omaruly Artyqbaev «Aqmola oblysynyń tarihi toponimderi: zerttelý barysy, qasiettilik sinonimi», Sh.Ýálihanov atyndaǵy Kókshetaý memlekettik ýniversiteti tarih, zańtaný, óner jáne sport fakýltetiniń dekany, tarih ǵylymdarynyń kandidaty, QR tarih jáne qoǵamdyq ǵylymdar akademiiasynyń akademigi Bekseiitova Aqbota Tastanbekqyzy «Aqmola oblysynyń tarihi toponimikasynyń keibir máseleleri» taqyrybynda, Aqmola oblystyq «Arqa ajary» gazetiniń redaktory, oblystyq onomastika komissiiasynyń múshesi Tóreǵoja Qaiyrbai Zeinollauly «Onomastika: mindet pen nátije», Sh.Ýálihanov atyndaǵy Kókshetaý memlekettik ýniversiteti jalpy tarih jáne áleýmettik-gýmanitarlyq ǵylymdar kafedrasynyń aǵa oqytýshysy Tólepbergenov Ǵalymtai Málikuly «Aqmola oblysynyń ejelgi jer-sý ataýlary», Qazaqstan Respýblikasy Ulttyq mýzeii «Halyq qazynasy» ǵylymi zertteý institýtynyń tarihi-mádeni mura nysandaryna monitoring jáne saraptama júrgizý bóliminiń ǵylymi qyzmetkeri Irina Bekzatqyzy «Eldi-mekenderdiń tarihi ataýlaryn qaitaraiyq!» degen taqyrypta baiandamalar kópshilik nazaryna usynyldy.
