Aqmola oblysynda Senat depýtatynyń sailaýy ótip, onda eń kóp daýysty (89,5 paiyz) Nurlan Bekenov jinady, dep habarlaidy "Ult aqparat".
Aqmola oblystyq sailaý komissiiasynyń tóraǵasy Manarbek Sádýovtyń aitýynsha, sailaýǵa barlyǵy 240 depýtat qatysyp, qalaǵan úmitkerine daýys berdi.
«Oblysymyz boiynsha Senat depýtattyǵyna tirkelgen kandidattardyń arasynan Nurlan Bekenovti jaqtap 213 depýtat daýys (89,5 paiyz) berdi. Al, ózge eki kandidat Ainagúl Baltasheva men Nurlan Jarov 13 (5,46 paiyz) jáne 12 (5,04 paiyz) daýys jinady. Sondai-aq, eki biýlleten jaramsyz dep tanyldy», - dep habarlady oblystyq sailaý komissiiasynyń tóraǵasy Manarbek Sádýov.
