اقمولا وبلىسىندا سەنات دەپۋتاتىنىڭ سايلاۋى ٶتٸپ, وندا ەڭ كٶپ داۋىستى (89,5 پايىز) نۇرلان بەكەنوۆ جينادى, دەپ حابارلايدى "ۇلت اقپارات".
اقمولا وبلىستىق سايلاۋ كوميسسيياسىنىڭ تٶراعاسى ماناربەك سەدۋوۆتىڭ ايتۋىنشا, سايلاۋعا بارلىعى 240 دەپۋتات قاتىسىپ, قالاعان ٷمٸتكەرٸنە داۋىس بەردٸ.
«وبلىسىمىز بويىنشا سەنات دەپۋتاتتىعىنا تٸركەلگەن كانديداتتاردىڭ اراسىنان نۇرلان بەكەنوۆتٸ جاقتاپ 213 دەپۋتات داۋىس (89,5 پايىز) بەردٸ. ال, ٶزگە ەكٸ كانديدات ايناگٷل بالتاشەۆا مەن نۇرلان جاروۆ 13 (5,46 پايىز) جەنە 12 (5,04 پايىز) داۋىس جينادى. سونداي-اق, ەكٸ بيۋللەتەن جارامسىز دەپ تانىلدى», - دەپ حابارلادى وبلىستىق سايلاۋ كوميسسيياسىنىڭ تٶراعاسى ماناربەك سەدۋوۆ.
