Aqmola oblysynyń Zerendi aýdanynda er adam 6 jasar qyzymen birge sýretke túspek bolǵan kezde Úlgili sarqyramasyna qulap ketti. Abyroi bolǵanda ekeýi de zardap shekpegen, dep habarlaidy "Ult aqparat".
Kokshetauasia Instagram paraqshasynda Aqmola oblysynyń Zerendi aýdanyndaǵy Úlgili sarqyramasyna er adamnyń qyzymen birgen qulaǵandaǵy beinekórinisi jariialandy.
Jariialanymnan málim bolǵanyndai, video aldymen @eto_kokshetau_det tobynan taraǵan.
Zerendi aýdany ákimdiginiń habarlaýynsha, sýǵa qulaǵandar Kókshetaý qalasynyń turǵyndary bolyp shyqty. Er adam 6 jasar qyzymen birge sarqyramanyń janynda sýretke túspek bolǵanda abaisyzda sýǵa qulap ketken. Olardyń jaǵa shyǵýyna kýágerler kómektesken.
«Keshe 17 sáýir kúni, saǵat 16-35-te Zerendi aýdandyq aýrýhanasyna jeńil jaraqattarymen Kókshetaý qalasynda turatyn 2015 jyly týǵan bala tústi. Ony dárigerler tekserip shyǵyp, qajetti em-dom jasaǵan. Arýhanaǵa jatqyzýǵa eshqandai negiz joq bolǵandyqtan bala úiine jiberildi», - delingen vedomstvo habarlamasynda.
