Foto: Gov.kz
Aqmola oblysynyń prokýratýrasy orman zańnamasynyń saqtalýyna júrgizilgen tekseris nátijesinde jalpy kadastrlyq quny 2,2 milliard teńge bolatyn memlekettik orman qorynyń jer ýchaskelerin memleket menshigine qaitardy, dep habarlaidy Ult.kz.
Atap aitqanda, Aqkól aýdanynyń prokýratýrasy aýdan aýmaǵynda týristik klasterdi damytýǵa kedergi keltiretin problemalyq máselelerdi anyqtaý maqsatynda turaqty túrde taldaý jumystaryn júrgizgen. Tekserý barysynda orman paidalanýshylaryna saýyqtyrý, rekreatsiialyq, týristik jáne sporttyq maqsattar úshin jalǵa berilgen jerlerdiń maqsatty túrde paidalanylmaǵany belgili boldy.
Prokýrorlyq qadaǵalaý sharalarynyń nátijesinde memlekettik orman qorynyń 10 jer ýchaskesi memleketke qaitaryldy. Bul ýchaskeler endi týristik biznesti damytýǵa múddeli áleýetti investorlarǵa berýge múmkindik ashady.
Prokýratýra atalǵan baǵyttaǵy jumystar aldaǵy ýaqytta da jalǵasatynyn habarlady.
