Aqmola oblysynyń bas sanitarlyq dárigeriniń oblys aýmaǵynda karantindik shekteý sharalaryn kúsheitý týraly jańa qaýlysy shyqty, dep habarlaidy "Ult aqparat".
Oǵan sáikes, 7 qarasha, saǵat 00:00-den bastap:
– Kókshetaý qalasynyń karantindik aimaq perimetri belgilenip, sanitarlyq beketter ornatylady. Qalaǵa kirý jáne shyǵý pýnkteri belgilenedi;
– oblys turǵyndary jeke qorǵanysh quraldaryn (bir ret jáne birneshe ret qoldanylatyn betperdelerdi) qoldaný jáne kádege jaratý algoritmin, keminde 2 metr áleýmettik araqashyqtyqty saqtaýy qajet;
– strategiialyq obektiler men tirshilikti qamtamasyz etý obektileriniń óndiristik protsesin qamtamasyz etetin qyzmetkerlerdi qospaǵanda, saǵat 21:00-den 06:00-ge deiin Aqmola oblysynyń eldi mekenderinde júrip-turý shekteledi;
– 65 jastan asqan adamdar asa qajetti sebeptersiz úilerinen shyqpaýy qajet;
– otbasylyq, estelik is-sharalardy (banket, úilený toiy, mereitoi, duǵa jasaý) jáne kópshilik jinalatyn ózge de sharalardy, sonyń ishinde úide ótkizýge tyiym salynady;
– jerleý is-sharalaryn júrgizý kezinde keminde 2 metr qashyqtyqty saqtai otyryp, (otbasy músheleri) 30 adamnan artyq jinalýǵa jol berilmeidi;
– azyq-túlik dúkenderiniń jumys tártibi saǵat 09.00–den 20.00-ge deiin shekteledi;
– Aqmola oblysy Politsiia departamenti bekitken tizim boiynsha taksi qyzmetiniń júrip-turýy (salonda 2 adamnan artyq emes) saǵat 21:00-den 06.00-ge deiin shekteledi;
– kelýshilerdiń sanyn 30 paiyzdan asyrmai jáne bir kelýshige keminde 4 sharshy metr aýmaqtan keletindei, jalpy alańy 800 sharshy metrden artyq saýda, oiyn-saýyq ortalyqtarynyń, saýda obektileriniń qyzmeti jumys kúnderi saǵat 10:00-den 19.00-ge deiin shekteledi. Demalys jáne mereke kúnderi jumysy toqtatylady;
– kelýshilerdiń sanyn 30 paiyzdan asyrmai jáne bir kelýshige keminde 4 sharshy metr aýmaqtan keletindei azyq-túlik emes jáne jabyq azyq-túlik bazarlarynyń (bazarlar úlgisindegi saýda úileri, saýda ortalyqtary, pavilon, dúken jáne t. b.) qyzmeti jumys kúnderi saǵat 10:00-den 19.00-ge deiin shekteledi. Demalys jáne mereke kúnderi toqtatylady;
– oiyn-saýyq mekemeleriniń (karaoke, biliard, boýling ortalyqtary, kompiýter klýbtary, túngi klýbtar,jabyq úi-jailardaǵy balalardyń oiyn alańdary men attraktsiondary, batýttar jáne taǵy basqalar), býkmeker keńseleriniń jáne eresekter men balalarǵa arnalǵan ózge de oiyn-saýyq oryndarynyń, kalian mekemeleriniń (onyń ishinde qoǵamdyq tamaqtaný obektilerindegi) qyzmeti toqtatylady;
– fýdkort, banket zaldarynyń qyzmeti toqtatylady;
– sportshylardyń oqý-jattyǵý jiyndary men jarystarǵa qatysýy úshin Qazaqstan Respýblikasy aýmaǵynan shyǵyýna tyiym salynady;
– betpe-bet jinalystardy (otyrystardy) ótkizýge tyiym salynady;
– ashyq aýadaǵy attraktsion qyzmetine tyiym salynady;
– dini obektilerdiń (meshit, shirkeý, sobor, sinagoga jáne t. b.) qyzmeti toqtatylady;
– mádeniet obektileriniń (jeke, toppen repetitsiia), kitaphanalar, murajailar, teatrlar men kinoteatrlar qyzmeti toqtatylady;
Ruqsat beriledi:
– áleýmettik qashyqtyqty jáne jeke qorǵanysh quraldaryn (bir ret jáne birneshe ret qoldanylatyn betperdelerdi) qoldaný men kádege jaratýdy algoritmin saqtai otyryp, oiyn-saýyq oryndarsyz saiabaqtarǵa, alańdarǵa, skverlerge jáne ózge de demalys oryndaryna topta 3 adamnan artyq emes nemese bir otbasy múshelerine barýǵa ruqsat beriledi;
– ǵimarat ishinde ornalasqan qoǵamdyq tamaqtandyrý obektileriniń qyzmetine saǵat 08.00-den 19.00-ge deiin ruqsat beriledi. Saqtalýy tiis talaptar: nysanda kópshilik jinalatyn saltanatty, otbasylyq, estelik, ujymdyq jáne basqa da is-sharalar ótkizilmeýi qajet; bir mezgilde 30 kelýshiden artyq bolmaýy tiis; aýmaǵy 30 kelýshini ornalastyrýǵa eseptelmegen nysandar tolymdyqty 50%-dan asyrmaýy qajet; ústelder arasyndaǵy 2 metr qashyqtyq saqtalýy tiis; kelýshiler arasynda 1 metrden kem emes qashyqtyq saqtalýy qajet.
- demalys kúnderi QR BMSD-niń №57-qaýlysynyń talaptaryn saqtai otyryp, jumys rejimin saǵat 08.00-den 20.00-ge deiin shektei otyryp, tamaq jetkizetin qoǵamdyq tamaqtandyrý obektileriniń qyzmetine ruqsat beriledi.
– áleýmettik qashyqtyqty saqtaý múmkindigi esebinen jáne kelýshilerdiń toltyrylýy saqtalǵan jaǵdaida sulýlyq salondardyń, shashtarazdardyń, SPA ortalyqtarynyń jáne kosmetologiialyq qyzmet kórsetetin obektilerdiń qyzmetine saǵat 08.00-den 19.00-ge deiin ruqsat beriledi. Jeksenbi kúnderi toqtatylady;
– toptarda 15 adamnan artyq emes balalar kabinetteriniń/túzetý ortalyqtarynyń, balalar men eresekterdiń bilim berý ortalyqtarynyń qyzmetine saǵat 08.00-den 19.00-ge deiin ruqsat beriledi;
– kelýshilerdiń sanyn 50 paiyzdan asyrmai jáne bir adamǵa 5 sharshy metrden kem emes aýmaqty qamtamasyz ete otyryp, fitnes-ortalyqtar, trenajer zaldary men sporttyq-saýyqtyrý ortalyqtarynyń qyzmetine saǵat 08.00-den 19.00-ge deiin ruqsat beriledi. Jeksenbi kúnderi toqtatylady;
– kelýshilerdiń sanyn 50%-dan asyrmai jáne bir adamǵa 4 sharshy metrden kem emes aýmaqtan keletindei, monsha, saýna qyzmetine saǵat 08.00-den 19.00-ge deiin ruqsat beriledi;
– taza aýada jeke jáne toptyq jattyǵýlarǵa (topta 5 adamnan asyrmai) saǵat 08.00-den 19.00-ge deiin ruqsat beriledi;
– Ulttyq qurama, klýb komandalary úshin sporttyq jattyǵýlarǵa (30 adamnan artyq emes, bailanyssyz termometriia, sport bazalarynda turý) saǵat 08.00-den 19.00-ge deiin ruqsat beriledi;
– jeke jáne toptyq jattyǵýlar úshin sport keshenderiniń qyzmetine (5 adamnan artyq emes) ruqsat beriledi;
– qoǵamdyq kóliktiń jumysyna (qarbalas sátte avtobýstar sanynyń artýy, kondýktordyń bolýy, sońǵy aialdamada dezinfektsiialyq quraldarmen óńdeý, barlyq esikterdiń ashylýy, otyratyn oryn sany boiynsha tolyqtyrylýy) saǵat 08.00-den 20.00-ge deiin ruqsat beriledi. Demalys jáne mereke kúnderi qoǵamdyq kólik toqtaidy;
– jeke avtokóliktiń óńirler arasynda júrýine ruqsat beriledi;
– memlekettik organdar (uiymdar, kásiporyndar), kvazimemlekettik sektor organdarynyń, ulttyq kampaniialar, ózge de uiymdardyń, sondai-aq kásipkerlik sýbektileriniń qyzmetine jumys rejimi saǵat 09.00-den 18.30-ge deiin ruqsat beriledi. Bul rette qyzmetkerlerdiń keminde 80 paiyzy qashyqtyqtan jumys atqarady (shtattyq kestede 30-dan astam qyzmetker bolǵanda);
– meditsinalyq ortalyqtardyń qyzmetine (jazylý boiynsha) ruqsat beriledi;
– týrizm obektileri men halyqtyń turýy boiynsha qyzmet kórsetýsalasyndaǵy uiymdardyń (qonaq úiler, otelder, demalys úileri, týristik bazalar jáne t. b.) qyzmetine tolyqtyrýdy 80 paiyzdan asyrmai, QR BMSD №57-qaýlysynyń talaptary saqtalǵan jaǵdaida ruqsat beriledi;
