«Aqmola oblysynyń aýmaǵynda karantindik shekteý sharalaryn odan ári kúsheitý týraly» Aqmola oblysynyń Bas memlekettik sanitarlyq dárigeriniń 2020 jylǵy 26 qarashadaǵy №224 qaýlysyna ózgerister men tolyqtyrýlar engizildi, dep habarlaidy "Ult aqparat".
Qaýlyda azyq-túlik, birinshi kezekte qajetti taýarlar, dári-dármek jáne meditsina buiymdaryn satyp alý; shuǵyl jaǵdai boiynsha meditsinalyq mekemege barýdy qospaǵanda,barlyq turǵyndarǵa, ásirese 65 jastan asqan adamdarǵa asa qajetti sebeptersiz úilerinen saǵat 21.00-den 06.00-ge deiin shyqpaýǵa usynylady.
Sonymen birge, sanitarlyq beketterden (jol paraqtaryn, jumys nariadtaryn, jospar–tapsyrmalardy, taýar júkqujattaryn, issapar qujattaryn, meditsinalyq mekemelerdiń joldamalaryn, redaktsiialyq tapsyrmalardy, sondai-aq jeke kýálikterin kórsetken kezde) myna tulǵalarǵa kedergisiz kirýge/shyǵýǵa ruqsat etiledi:
• meditsinalyq kórsetkishter boiynsha kiretin jáne shyǵatyn adamdar;
• tranzittik jolaýshylar men júk tasymaldaýshylary;
• vahta qyzmetkerlerin tasymaldaityn kólik quraldary;
• COVID-19 taralýynyń aldyn alý jónindegi is-sharalaryna tartylǵan kólik pen adamdar, uiymdar;
• tirshilikti qamtamasyz etetin kásiporyndar (onyń ishinde jabdyqtardy baptaý boiynsha servistik qyzmet kórsetýdi qamtamasyz etetin kásiporyndar), kólik pen adamdar, uiymdar;
• «STOPCORONA.KZ saitynda tirkelgen, qosymsha,PTR ádisimen COVID-19-ǵa testileýdiń teris nátijesi bar, ony alǵan sátten bastap 30 táýlikten aspaǵan anyqtama bolǵan jaǵdaida Aqmola oblysynda turmaityn adamdar, tamaq ónimderin óndirýshiler men aýyl sharýashylyǵy taýar óndirýshileri, kólik pen adamdar;
• osy eldimekende tirkelgen jaǵdaida, turaqty turatyn jerine qaityp keletin Kókshetaý jáne Stepnogor qalalarynyń turǵyndary;
• jumys ornyn jáne rastaityn qujattardy qosa otyryp, sondai-aq asa qajet bolǵan jaǵdailarda kirý jáne shyǵý sebepterin mindetti túrde kórsete otyryp, «SSTOPCORONA.KZ saitynda tirkelgen jaǵdaida Zerendi aýdanynyń jaqyn eldi mekenderiniń turǵyndaryna Kókshetaý qalasyna/qalasynan kirýge/shyǵýǵa ruqsat etilsin. Kókshetaý qalasynda turaqty jumys isteitin adamdardy qospaǵanda, saitta qaita tirkelý múmkindigimen 7 kúnnen asyrmai merzimge ruqsat beriledi.
• COVID-19-ǵa PTR ádisimen testileýdiń teris nátijesi bar, ony alǵan sátten bastap 5 táýlikten aspaǵan anyqtama nemese hattama bolǵan jaǵdaida oblystyq meditsinalyq shaqyrý komissiiasyna baratyn/oralatyn jergilikti áskeri basqarý organdarynyń kóligi men qyzmetkerlerin (issapar kýáligi nemese issaparǵa jiberý týraly buiryq bolǵan kezde), olarmen birge júretin áskerge shaqyrylýshylardy;
• aýmaqtyq sailaý komissiialarynyń ókilderine qyzmettik kýáligin kórsetken kezde(júrgizýshi retinde birge júretin adamǵa ruqsat etiledi);
• jumys ornyn kórsete otyryp, «SSTOPCORONA.KZ saitynda tirkelgen jaǵdaida týrizm obektileriniń, jol boiy servisiniń, sondai-aq aýyl sharýashylyǵy is-sharalaryna, qurylys jumystaryna tartylǵan kólik pen qyzmetkerler;
Budan bólek, kelýshilerdiń sanyn 30 paiyzdan asyrmai jáne bir kelýshige keminde 4 sh.m. saqtalǵan jaǵdaida, alańy 500 sharshy metrden kem (jeke turǵan) azyq-túlik emes dúkenderdiń qyzmeti jumys, demalys kúnderi saǵat 09:00-den 20.30-ǵa deiin shekteledi.
Kelýshilerdiń sanyn 30 paiyzdan asyrmai jáne bir kelýshige keminde 4 sharshy metr saqtalǵan jaǵdaida, alańy 500 sharshy metrden kem saýda-oiyn-saýyq ortalyqtarynyń, saýda jelileriniń qyzmeti jumys, demalys kúnderi saǵat 10:00-den 20.30-ge deiin shekteledi.
