Aqmola oblysynyń Shortandy kentinde gaz ballony jarylysynan zardap shekken 10 jasar qyz aýrýhanada kóz jumdy, dep habarlaidy QazAqparat.
«Ókinishke orai, Shortandy aýylyndaǵy jarylys saldarynan zardap shekken 2011 jyly týǵan bala keshe 22 qarasha kúni keshke kóz jumdy. Qyz bala elordalyq aýrýhanaǵa óte aýyr jaǵdaida jetkizilgen. Ol dereý jansaqtaý bólimshesine jatqyzyldy, óitkeni jaǵdaiy óte aýyr boldy. Deneniń termiialyq kúiigi - 60 paiyz, bala komada boldy», - dedi Nur-Sultan qalasynyń Qoǵamdyq densaýlyq saqtaý basqarmasynyń baspasóz qyzmetindegiler.
Vedomstvodan atap ótkekendei, barlyq júrgizilgen emdeý sharalaryna qaramastan, jansaqtaý bólimshesinde naýqasty qutqarý múmkin bolmady.
Aita keteiik, 16 qarasha kúni Aqmola oblysynyń Shortandy kentinde gaz ballony jarylyp, 3 adam kóz jumdy, taǵy on adam aýrýhanaǵa tústi. Oqys oqiǵa túngi saǵat 22:00 shamasynda Shortandy kentinde ornalasqan úsh páterli turǵyn úide boldy. Gaz ballonynyń jarylýy saldarynan 3 páterli jeke úi órtenip, onyń bir bóligi qulady.
Aýrýhanaǵa túskenderdiń arasynda denesiniń 70 paiyzy termiialyq kúiik shalǵan 12 jastaǵy er bala 20 qarashada kóz jumdy.
