Esil oblysaralyq basseindik balyq sharýashylyǵy inspektsiiasynyń qyzmetkerleri balyq sharýashylyǵy sý aidyndarynda monitoring júrgizý barysynda Esil ózeninde balyqtyń jappai qyrylýyn toqtatý jáne aldaǵy ýaqytta ony boldyrmaý maqsatynda jumystar júrgizdi. Sonymen birge muz astynda ólgen balyqtar jinalyp, zerthanalyq zertteýge joldandy, dep habarlaidy QazAqparat tilshisi QR Balyq sharýashylyǵy komitetiniń baspasóz qyzmetine silteme jasap.
Zertteý qorytyndysy belgili bolǵan soń jariialanady. Boljam boiynsha, balyqtyń qyrylýy muz astynda otteginiń jetispeýshiliginen bolýy múmkin.
Atap aitsaq, Aqmola oblysy, Astrahan aýdanynyń Novocherkasskoe aýyly mańyndaǵy Esil ózeninde 85 kg jýyq ólgen balyq jinaldy. Qazir QR AShM Veterinarlyq baqylaý jáne qadaǵalaý komiteti Aqmola oblystyq aýmaqtyq inspektsiiasynyń ókilderimen birlese synama jumystary júrgizilýde. Qalǵan balyq sanitarlyq normalardy saqtai otyryp, joiyldy.
Qazirgi tańda ózen sýyn májbúrli aeratsiialaý úshin eki motopompa ornatylǵan. Bul óz kezeginde muz astyndaǵy sýdy ottegimen qamtamasyz etýge úlken sep. Sý aidynynyń jaǵdaiyna monitoring jalǵasýda.
Aita ketsek, Esil ózeni balyq sharýashylyǵy sý aidyndarynyń rezervtik qoryna kiredi.
