ەسٸل وبلىسارالىق باسسەيندٸك بالىق شارۋاشىلىعى ينسپەكتسيياسىنىڭ قىزمەتكەرلەرٸ بالىق شارۋاشىلىعى سۋ ايدىندارىندا مونيتورينگ جٷرگٸزۋ بارىسىندا ەسٸل ٶزەنٸندە بالىقتىڭ جاپپاي قىرىلۋىن توقتاتۋ جەنە الداعى ۋاقىتتا ونى بولدىرماۋ ماقساتىندا جۇمىستار جٷرگٸزدٸ. سونىمەن بٸرگە مۇز استىندا ٶلگەن بالىقتار جينالىپ, زەرتحانالىق زەرتتەۋگە جولداندى, دەپ حابارلايدى قازاقپارات تٸلشٸسٸ قر بالىق شارۋاشىلىعى كوميتەتٸنٸڭ باسپاسٶز قىزمەتٸنە سٸلتەمە جاساپ.
زەرتتەۋ قورىتىندىسى بەلگٸلٸ بولعان سوڭ جارييالانادى. بولجام بويىنشا, بالىقتىڭ قىرىلۋى مۇز استىندا وتتەگٸنٸڭ جەتٸسپەۋشٸلٸگٸنەن بولۋى مٷمكٸن.
اتاپ ايتساق, اقمولا وبلىسى, استراحان اۋدانىنىڭ نوۆوچەركاسسكوە اۋىلى ماڭىنداعى ەسٸل ٶزەنٸندە 85 كگ جۋىق ٶلگەن بالىق جينالدى. قازٸر قر اشم ۆەتەرينارلىق باقىلاۋ جەنە قاداعالاۋ كوميتەتٸ اقمولا وبلىستىق اۋماقتىق ينسپەكتسيياسىنىڭ ٶكٸلدەرٸمەن بٸرلەسە سىناما جۇمىستارى جٷرگٸزٸلۋدە. قالعان بالىق سانيتارلىق نورمالاردى ساقتاي وتىرىپ, جويىلدى.
قازٸرگٸ تاڭدا ٶزەن سۋىن مەجبٷرلٸ اەراتسييالاۋ ٷشٸن ەكٸ موتوپومپا ورناتىلعان. بۇل ٶز كەزەگٸندە مۇز استىنداعى سۋدى وتتەگٸمەن قامتاماسىز ەتۋگە ٷلكەن سەپ. سۋ ايدىنىنىڭ جاعدايىنا مونيتورينگ جالعاسۋدا.
ايتا كەتسەك, ەسٸل ٶزەنٸ بالىق شارۋاشىلىعى سۋ ايدىندارىنىڭ رەزەرۆتٸك قورىنا كٸرەدٸ.
