Foto: Polisia.kz
Arshaly aýdanynda jergilikti JShS-nen 34 mln teńge aqsha jymqyrǵan 33 jastaǵy er adam isti boldy, dep habarlaidy Kazinform.
Aqmola oblysy PD baspasóz qyzmetiniń málimetinshe, 2023 jyldyń 9 maýsymynda Arshaly aýdandyq politsiia bólimine jergilikti JShS biriniń basshysy aryzben júgingen. Er adamnyń sózinshe, ol kásiporynnyń qarjylyq qujattaryn tekserý kezinde 34 million teńgeniń qoldy bolǵanyn baiqaǵan.
Jedel-izdestirý is-sharalary barysynda kúdikti retinde atalmysh JShS-niń 33 jastaǵy qyzmetkeri anyqtaldy. Kúdikti jalǵan málimetterdi engizý arqyly kásiporynnyń aqshasyn óziniń banktik shotyna aýdarǵan.
- Osy derek boiynsha Qylmystyq kodekstiń 189-babynyń 4-bóligi «senip tapsyrylǵan bótenniń múligin iemdený nemese ysyrap etý» boiynsha is qozǵalyp, sotqa deiingi tergeý amaldary qolǵa alyndy. Sot-ekonomikalyq saraptama júrgizilýde, - dedi vedomstvodan.
